_1693980289.gif "#")
चतरा/वराहक्षेत्र नगरपालिकामा जारी तेस्रो संस्करणको वडा स्तरीय वराहक्षेत्र मेयर लिग कप रनिङ्ग शिल्ड फुटबल प्रतियोगिता अन्तर्गत सोमवार भएको पहिलो खेलमा वडा नं. २ विजयी भएको छ।
वडा नं. ११ लाई ७-१ को फराकिलो अन्तरले पराजित गर्दै वडा नं. २ ले प्रतियोगितामा तीन अङ्क जोड्न सफल भएको छ।
खेलमा ४ गोल गर्दै ह्याट्रिक पूरा गरेका वडा नं. २ का दीपेश तामाङ म्यान अफ द म्याच घोषित भए। उनले नगद २ हजार १ सय रुपैयाँसहित ट्रफी प्राप्त गरेका थिए।
त्यस्तै, सोमवार नै सम्पन्न दोस्रो खेलमा वडा नं. ९ ले प्रथम संस्करणको उपाधि विजेता वडा नं. ३ लाई १-० गोल अन्तरले पराजित गर्यो। जितसँगै वडा नं. ९ ले प्रतियोगितामा तीन अङ्क हासिल गरेको छ।
निर्णायक गोल गरेका वडा नं. ९ का सन्तोष श्रेष्ठ म्यान अफ द म्याच घोषित भए। उनले नगद २ हजार १ सय रुपैयाँसहित ट्रफी प्राप्त गरे।
लिग फर्म्याटमा सुरु भएको प्रतियोगिता अन्तर्गत मङ्गलवार पहिलो खेल वडा नं. ७ र वडा नं. ८ तथा दोस्रो खेल वडा नं. १ र वडा नं. ६ बीच हुनेछ।
नगर खेलकुद विकास समितिको आयोजनामा वराहक्षेत्र नगरपालिका वडा नं. ७, देविघाटस्थित वसन्त ऋतु माध्यमिक विद्यालयको खेलमैदानमा जारी प्रतियोगिता 'खेलकुद हाम्रो सान, खेलाडी उत्पादन गर्ने हाम्रो अभियान' भन्ने नाराका साथ सञ्चालन भइरहेको छ।
_Poush 22_1736170149.jpg "#")
_1734253975.jpg "#")
