बिजनेस एक्सपो सकियो,जुत्ता चप्पल मेला थपियो रचनात्मक कार्यले जनताको मन जितिन्छःपूर्वमन्त्री ढकाल

धरान । धरानमा माघ २६ गतेदेखि जारी विजनेस एक्स्पो मेलाको शनिबार समापन भएको छ भने उक्त स्थानमा प्रमुख आकर्षकको रुपमा रहेको जुत्ता चप्पल मेलाको समय अविधी पुनः१५ दिनको लागि थप भएको छ ।

धरानको आर्थिक गतिविधिलाई नयाँ गति दिँदै व्यावसायिक क्षेत्रमा लगानी आकर्षित गर्न ‘बिजनेस एक्स्पो धरान २०८१’ नेपाल उद्योग व्यवसायी महासङ्घ धरानले आयोजना गरेको थियो । धरान १६ स्थित रंगशालामा जारी एक्स्पोको नेकपा एमाले स्थायी कमिटी सदस्य एवम पूर्वमन्त्री भानुभक्त ढकालको प्रमुख आतिथ्यतामा समापन गरिएको हो ।

 

प्रमुख अतिथी ढकालले एक्सपोले चुनाब मात्रै पार्टीको झण्डा बाकेर हिड्ने भन्दा यस्ता रचनात्मक कार्यले पार्टी प्रति जनताको विस्वानीयता बढेर जाने बताएका छन् । उनले धरानको मात्रै नभएर राज्यको आर्थिक सुदृढिकरणमा टेवा पुग्ने बताएका छन् । कार्यक्रममा कोशी प्रदेश सांसदहरु,विभिन्न पार्टीको नेता लगायत सामाजिक संघ संस्थाको आतिथ्यतमा सपन्न भएको छ । कार्यक्रममा आयोजक महासंघका अध्यक्ष शिवराज श्रेष्ठले चुनौतीलाई सामाना गरेर एक्स्पो सफलता पुर्वक सम्पन्न भएको प्रति सबैमा हार्दिक आभार व्यक्त गरेका छन् । यसैवीच उक्त एक्स्पोमा रहेको आकर्षणको रुपमा रहेको सस्तो जुत्ता चप्पल मेलाको भने आगामी फागुन २५ गतेसम्म थप भएको छ ।

आयोजकले शुक्रवार पत्रकार सम्मेलनको आयोजना गरी जुत्ता चप्पल मेला फागुन २५ गतेसम्म चल्ने जानकारी दिएको हो ।आयोजक समितिका सदस्य एवम् फुटवेयर म्यानुफ्याक्चर एसोसिएसन नेपालका अध्यक्ष रुद्र न्यौपानेले नेपाली उत्पादनलाई प्रवद्र्धन गर्न र स्वदेशी उत्पादनहरूको उपभोग गर्न जागरूक गराउने उद्देश्यले मेला आयोजना गरिएको जानकारी दिए ।

ग्राहकहरूलाई कम्पनीको उत्पादन लागत मूल्यमै जुत्ता चप्पल उपलब्ध गराउन मेला आयोजना गरिएको न्यौपानेको भनाई रहेको छ ।विशेष गरी नयाँ शैक्षिक शत्रमा विद्यार्थीहरूका लागी प्रयोग हुने जुत्ताहरू अत्यन्तै सस्तो मूल्यमा उपलब्ध गराएको बताए ।मेला आयोजक समितिका संयोजक जीवन कुमार श्रेष्ठले जानकारी दिए ।

मेलामा पाँचवटा नेपाली ब्राण्डमा हजार भन्दा बढी मोडलका जुत्ता चप्पल उपलब्ध रहेको उनले बजार मूल्य भन्दा आधा सस्तो मूल्यमा जुत्ता चप्पल उपलब्ध गराएको बताए ।मेलामा हिमाल सुज, फस्र्ट वाक सुज, विएफ डियरहिल सुज, स्मार्ट सुज, सु ल्याण्ड ब्रान्डका जुत्ता चप्पलहरू विक्रीमा राखिएका छन् ।