धरान/ महेन्द्र बहुमुखी क्याम्पस, धरानमा स्ववियुले आर्थिक अनियमितता गरेको भन्दै आमरण अनशन बसेका विद्यार्थी संगठनहरू सहमतिपछि अनशन तोड्न बाध्य भएका छन्।
बुधबार साँझ क्याम्पस प्रमुखको अध्यक्षतामा बसेको बैठकले स्ववियुको आय(व्यय पारदर्शी बनाउन १० दिनभित्र विवरण सार्वजनिक गर्ने सहमति गरेपछि विद्यार्थीहरूले अनशन स्थगित गरेका हुन्।
विद्यार्थी संगठनहरूले पाँचबुँदे माग राख्दै अनशन थालेका थिए, जसअनुसार अब स्ववियु शुल्क रु। २०० मात्र कायम हुनेछ।
त्यस्तै, क्याम्पसको बजेट निर्माण कार्यसमितिले अनुमोदन गर्नुपर्ने र कार्यक्रमहरू विद्यार्थी प्रतिनिधिहरूको समावेशी समितिमार्फत सञ्चालन गरिने सहमति भएको छ।
नयाँ सहमतिअनुसार स्नातकोत्तर तहका नवप्रवेशी विद्यार्थीहरूलाई १० प्रतिशत छात्रवृत्ति दिइनेछ भने बी।एड। कार्यक्रमका लागि छात्रवृत्ति दर १० बाट २० प्रतिशत पुर्याउने प्रयास गरिनेछ। यो माग पूरा नभएसम्म विद्यार्थी कल्याण कोषबाट सकेसम्म छात्रवृत्ति प्रदान गरिनेछ।
अनशनमा नेविसंघ, अनेरास्ववियु, अखिल क्रान्तिकारी र समाजवादी विद्यार्थी युनियनका स्थानीय नेतृत्व सहभागी थिए। विद्यार्थीहरूको दबाबपछि प्रशासन झुकेको भन्दै उनीहरूले विजयको अनुभूति गरेका छन्।
