३६ बर्ष पुग्यो धरानको सुनाखरी,शिक्षा क्षेत्रमा महत्त्वपूर्ण योग्दान

धरान/ धरान-१२ चतरालाईन स्थित सुनाखरी एकेडेमीले शुक्रवार ३६ बर्ष पुगेको अवसरमा बार्षिकोत्सव तथा अभिभावक दिवस मनाएको छ।कार्यक्रममा बिधालयले शिक्षा क्षेत्रमा पुर्याएको योग्दानको बिषयमा उपस्थित अतिथिहरुले खुलेर प्रसंशा पनि गरेका छ्न ।

स्कुलको  प्राङ्गणमा भएको बार्षिकोत्सव कार्यक्रममा धरान उप-महानगरपालिकाका शिक्षा महाशाखा प्रमुख गणेश प्रसाद खतिवडा प्रमुख अतिथि थिए।

कार्यक्रममा बोल्दै प्रमुख अतिथि खतिवडाले छोराछोरीको भबिष्य राम्रो बनाउन  अभिभावकले पनि मिहिनेत गरी बिशेष ध्यान दिनुपर्ने बताए।धरानको शिक्षा क्षेत्रमा सुनाखरी एकेडेमीको पनि ठुलो योगदान रहेको खतिवडाले बताए।

 स्कुलका प्रीन्सिपल मिलन कुमार राईले अहिलेको अवस्था सम्म आईपुग्न सहयोग पुर्याउने सबैलाई धन्यवाद ब्यक्त गर्दै आगामी दिनमा गुणस्तरीय शिक्षा प्रदान गर्न स्कुल  प्रतिबद्ध रहेको  बताए।

 बार्षिकोत्सवकै अवसरमा ३१ बर्षसम्म  अध्यापन गरी शिक्षा क्षेत्रमा योगदान पुर्याएको भन्दै स्कुलले धरान-१२ निवासी ज्येष्ठ नागरिक चन्द्रप्रसाद श्रेष्ठलाई सम्मान गरेको छ।

प्रमुख  अतिथि गणेश खतिवडा,स्कुलका प्रीन्सिपल मिलन राई, निर्देशक प्रदिप राई, प्लस टु कोअर्डिनेटर टप कुमार राईले श्रेष्ठलाई खदा सहित सम्मान पत्रले सम्मान गरे।सम्मानित भए पछि श्रेष्ठले खुशि व्यक्त गर्दै स्कुललाई धन्यवाद ज्ञापन गरे।

यसैगरी स्कुलले गत २०८० सालको एस.ई.ई. मा "ए प्लस" ल्याएर उत्तीर्ण गर्ने  छात्राद्वय साईसा राई र रुजा राईलाई जनही नगद ५ हजार सहित सम्मान पत्रले सम्मान गरेको छ। 

 बार्षिकोत्सवकै अवसरमा प्लस टु होटल म्यानेजमेन्टका बिद्यार्थीहरुले खानेकुराका स्टल राखेका थिए। त्यस्तै विद्यार्थीले हस्तकलाका विभिन्न सामग्रीहरु समेत प्रदर्शनीमा राखेका थिए।

 कार्यक्रममा बिद्यार्थीहरुले आकर्षक नृत्य र गीत प्रस्तुत गरी अभिभावकहरु र अतिथिलाई मनोरञ्जन प्रदान गरे।स्कुलका निर्देशक प्रदिप राईको अध्यक्षतामा भएको कार्यक्रममा शिक्षक रेश्मा तामाङले स्वागत मन्तब्य व्यक्त गरिन।

कार्यक्रमको सन्चालन शिक्षक दिनेश बराल र बिद्यार्थीहरु दिप्सा लिम्बु, नाबिया सरखाना, दिब्या लामा र रुबिना देबले गरेका थिए।

तस्बिरहरू :