हिसान एन्फा कप फुटबलमा ज्ञानदर्पण, बिश्वआदर्श, कोशीसेन्टजेम्स र इम्पेरियल बिजयी

सुनसरी– हिसान स्पोर्टस मिट अन्तर्गत हिसान एन्फा सुनसरी कप अन्तर बिद्यालय फुटबल प्रतियोगिताको सोमबारको खेलमा ज्ञानदर्पण, बिश्वआदर्श, कोशीसेन्टजेम्स र इम्पेरियल कलेज बिजयी हुदै अघिल्लो चरणमा प्रवेश गरेका छन ।

सोमबारको पहिलो खेलमा ज्ञानदर्पण एकेडेमीले सियोन स्कुल धरानलाई पेनाल्टी सुटआउटमा ३–२ गोल अन्तरले पराजित गरेको छ । दोस्रो खेलमा बिश्वआदर्श कलेजले लर्डबुद्ध इन्टरनेशनल स्कुललाई ५–० गोल अन्तरले पराजित गरेको छ । तेस्रो खेलमा कोशीसेन्टजेम्सले नास्ट कलेज धरानलाई ४–० ले पराजित गर्दा अन्तिम खेलमा इम्पेरियल कलेजले प्रिमियर कलेजलाई सडेन डेथमा पराजित गरेको प्रतियोगिता संयोजक एवंम एन्फा सुनसरी महासचिव कोबिदजंग कार्कीले जानकारी दिए ।
क्रिकेटमा कस्तुरी र पूर्वाञ्चलको बिजयी सुरुवात
सुनसरी । उच्च शिक्षालय तथा माध्यमिक बिद्यालय संघ हिसान सुनसरीको स्पोर्टस मिट अन्तर्गत क्रिकेट प्रतियोगितामा कस्तुरी र पूर्वाञ्चल कलेजले बिजयी सुरुवात गरेका छन । सोमबार हुने भनिएको उद्धघाटन खेलमा पिसजोन उच्च माबि नआएपछी कस्तुरी कलेज वाओभर पाएर बिजयी बनेको हो ।

दोस्रो खेलमा पूर्वाञ्चल कलेजले प्रिमियर कलेजलाई १९ रनले पराजित गर्दै उत्कृष्ट सुरुवात गरेको छ । मंगलबार हुने पहिलो खेलमा सुष्मा गोदावरी कलेज र सिबी कलेजबिच प्रतिष्पर्धा हुनेछ । दोस्रो खेलमा इटहरी नमुना कलेज र कोशीसेन्टजेम्स कलेजबिच प्रतिष्पर्धा हुने आयोजकले जनाएको छ ।

माघ १८ गतेसम्म चल्ने क्रिकेट प्रतियोगितामा सुनसरीभरीका एक दर्जन उच्च माबिहरुको सहभागिता रहेको थियो ।
छात्र, छात्रा भलिबल पनि सुरु
स्पोर्टस मिट अन्तर्गत छात्र छात्रा भलिबल पनि सोमबारबाट सुरु भएको छ । सोमबार भएको छात्रतर्फको पहिलो खेलमा पूर्वाञ्चल कलेजले कोशीसेन्टजेम्स कलेजलाई पराजित गरेको छ । दोस्रो खेलमा बिश्वआदर्श कलेजले पिसजोन उच्चमाबिलाई पराजित गरेको छ ।

तेस्रो खेलमा नास्ट कलेज नआएपछी लर्डबुद्ध इन्टरनेशनल कलेज वाकओभर पाएर बिजयी भएको छ । चौथो खेलमा बेबिलोन स्कुलले ग्रीनपिस स्कुललाई पराजित गरेपनि प्रोटेस्ट परेकाले छानबिन भैरहेको जनाइएको छ ।

पांचौ खेलमा सुष्मा कलेजले इम्पेरियल कलेजलाई पराजित गरेको छ । अन्तिम खेलमा ज्ञानदर्पण एकेडेमीले प्रिमियर कलेजलाई पराजित गरेको छ । छात्रातर्फ पनि सोमबार चार खेल सम्पन्न भएका छन । पहिलो खेलमा पूर्वाञ्चल कलेजले कस्तुरी कलेजलाई पराजित गर्दा दोस्रो खेलमा लर्डबुद्ध कलेज नआएपछी प्रिमियर कलेज वाकओभर पाएर बिजयी बनेको छ ।

तेस्रो खेलमा बिश्वआदर्श कलेजले सुष्मा कलेजलाई पराजित गरेको छ । अन्तिम खेलमा धरान आदर्शले ग्रिनपिस कलेजलाई पराजित गर्दै दोस्रो चरणमा प्रवेश गरेको छ ।

धरान आदर्श र एम्स कलेजले बिजयी सुरुवात गरेको छ । इटहरी तालतलैयास्थित बुढासुब्बा खेल मैदानमा शनिबार भएको पहिलो खेलमा एम्स एकेडेमीले बेबिलोन स्कुललाई ५–० गोल अन्तरले पराजित गरेको छ ।