_1693980289.gif "#")
धरान/ धरानको मितेरी डेभलपमेन्ट बैङ्कका नवनियुक्त प्रमुख कार्यकारी अधिकृतले पदभार ग्रहण गरेका छन् ।
रिक्त रहेको उक्त पदमा अनन्त कुमार चापागाईँले औपचारिक रूपमा पदभार ग्रहण गरेका हुन् ।
बैकको केन्द्रीय कार्यालयमा सञ्चालक समितिका अध्यक्ष किशन मास्के तथा अन्य संचालकहरुको उपस्थितिमा आयोजित कार्यक्रमका बिच सिइओ चापागाँइले पदभार ग्रहण गरेका हुन ।बैङ्क सञ्चालक समितिले चापागाईँलाई चार वर्षका लागि प्रमुख कार्यकारी अधिकृतमा नियुक्त गरेको जनाइएको छ ।
पदभार कार्यक्रममा चापागाँइले संस्थागत सुशासन र नियमाकिय प्रावधान भित्र रहेर संस्थालाई एक सबल, सक्षम र उदाहरणीय बैङ्क बनाउने योजना रहेको बताउँदै आगामी दिनमा बैंकलाई सवैको बैंक बनाउन सवैसँग सहकार्य र सहयोग सहित राय सल्लाह अनुसार नै का मगर्ने प्रतिबद्धता ब्यक्त गरेका छन् ।
अध्यक्ष मास्केले बैङ्किङ र वित्तीय क्षेत्रमा अनुभवी चापागाईँको नेतृत्वमा मितेरी डेभलपमेन्ट बैङ्कले उत्कृष्ट कार्य सम्पादन गर्ने विश्वास लिएको बताउँदै सफल कार्यकालको शुभकामना दिए ।
१९ औँ वार्षिक साधारण सम्पन्न गरी ०८०/२०८१ को मुनाफाबाट शेयरधनीलाई १०.००८३ प्रतिशत लाभांश वितरण गर्ने निर्णय पारित गरेको छ ।
सो लाभांश वितरण पश्चात बैकको चुक्ता पुँजी १ अर्ब २१ करोड भन्दा बढी भएको र प्रदेश स्तरीय ”ख” वर्गको विकास बैकको रूपमा स्तर उन्नती गर्ने प्रस्ताव समेत पारित गरेको छ ।
