वराहक्षेत्र/ नेपाली मौलिकता बोकेको नौमति पञ्चे बाजा संरक्षण गर्ने उदेश्य अनुसार वराहक्षेत्र नगरपालिकामा नौमति पञ्चे बाजा तालिम आयोजना गरिएको छ ।
लोभ हुँदै गएको मौलिक नौमति पञ्चेको संरक्षण , प्रनद्बनकालागि वराहक्षेत्र नगरपालिकाको सहयोगमा तालिम सुरु भएको हो ।
वराहक्षेत्र नगरपालिकाको सहयोग तथा नेपाल संयुक्त दलित समाज वराहक्षेत्रको आयोजनामा ४५ दिने नौमति पञ्चे बाजा बजाउने तालिम सुरु भएको नगरपालिकाका सामाजिक बिकाश शाखाका प्रमुख अरुण मेहताले जानकारी दिए ।
आइतवारवाट सुरु तालिमको नगर प्रमुख रमेश कार्कीले उद्घाटन गरेका थिए । उद्घाटन कार्यक्रममा नगर उपप्रमुख नन्दकुमारी सुनुवार, प्रमुख प्रशासकीय अधिकृत गणेश बहादुर कटुवाल , वडा नं ७ अध्यक्ष कपिल आचार्य , वडा नं ९ अध्यक्ष निरञ्जन चन्द्रवशी लगायतको आतिथ्ता रहेको थियो ।
बिवाह, उत्सव तथा शुभ कार्यमा प्रयोग गरिने मौलिकता बोकेको
दमाह, झ्याम्टा, सनाइ, ढोलक, ट्याम्को, नरहिङ्हा जस्ता ९ वटा बाजाहरुलाई एकैसाथ बजाउने नौमति बाजा लोभ हुँदै गएको र यसको संरक्षणकालागि तालिम प्रदान गरिने कार्यक्रम ल्याएको नगर प्रमुख रमेश कार्की बताए ।
गत वर्षहरुमा पनि नगरपालिकाले उक्त नौमती बाजा बजाउने तालिम प्रदान गरिएको थियो ।
वराहक्षेत्र नगरपालिकाले प्रशिक्षण दिए पछि नगरपालिकामा २ वटा नौमति बाजा बजाउने समूह क्रियाशिल रहेको छ। बिशेषगरि नौमति बाजा बनाउने समुहमा महिलाको संङख्या उल्लेखनिय रहेको छ ।