वराहक्षेत्र बचाउन पूर्वमन्त्रीलाई ज्ञापनपत्र

चतरा/ पूर्व मन्त्री मीनबहादुर विश्वकर्मा र परिवारले आफ्ना मातापिताको नाममा निर्मित टीका–बखत सामुदायिक स्वास्थ्य इकाई भवन निर्माण गरी हस्तान्तरण गरेका छन् ।

श्रीधरणीधर विवाह महोत्सवका अवसरमा वराहक्षेत्र मन्दिर परिसरमा नवनिर्मित भवनको उपप्रधानमन्त्री तथा सहरी विकास मन्त्री प्रकाशमान सिंहले समुद्घाटन गरेका छन् ।भवन ६० लाखको लागतमा निर्माण भएको पूर्व मन्त्री विश्वकर्माले जानकारी दिए ।

उनले २ वर्ष लगाएर निर्माण सम्पन्न भएको भवन वराहक्षेत्रमा आउने धर्मावलम्बी र स्थानीयको स्वास्थ्य उपचारमा सहयोग होस् भनेर निर्माण गरिएको बताए ।
वराहक्षेत्र गुठी व्यवस्थापन समितिले उपप्रधानमन्त्री सिंहलाई ज्ञापनपत्र बुझाएका छन् । वराहक्षेत्र मन्दिर परिसर र बस्ती नै गत बर्खामा सप्तकोसी नदीमा आएको बाढीले जोखिममा परेकाले ज्ञापनपत्र बुझाइएको वराहक्षेत्र मन्दिर गुठी व्यवस्थापन समितिका अध्यक्ष भक्तबहादुर श्रेष्ठले जानकारी दिए । बराहक्षेत्र मन्दिर बाढी र पहिरोको उच्च जोखिममा रहेको छ ।

दीगो तटबन्ध नबाँधे वराहक्षेत्रको अस्तित्व इतिहासमा मात्र रहने वराहक्षेत्र गुठी व्यवस्थापन समितिका अध्यक्ष श्रेष्ठले जानकारी दिए ।

गुप्त वराह निर्माण गरिदिन ज्ञापनपत्र

यस्तै १५ औं शताब्दीको इतिहास रहेको प्राचीन गुफा गुप्त वराहको पुनर्निर्माणमा सहयोग गरिदिन मन्त्री सिंहसमक्ष ज्ञापनपत्र बुझाइएको छ । पण्डित योगेश भण्डारीको सक्रियतामा निर्माणाधीन गुप्त वराह वराहक्षेत्र मन्दिर र महात्म्यसँग सम्बन्धित रहेको छ ।

गुफाको जीर्णोद्वार गर्न र धार्मिक पर्यटकीय क्षेत्रका रुपमा विकास गर्न निर्माण समितिका संयोजक रविकुमार श्रेष्ठसँगै नगर प्रमुख रमेश कार्की र नगर उपप्रमुख नन्दकुमारी सुनुवारले ज्ञापनपत्र बुझाए ।
फोटो छ