एम्स एकेडेमीमा नयाँ बिद्यार्थीलाई स्वागत

धरान/  नयाँ शैक्षिक सत्रमा भर्ना भई अध्ययनरत विद्यार्थीहरुलाई धरान–१२ स्थित एम्स एकेडेमी कक्षा–१२ का बिद्यार्थीले स्वागत गरेका छन् ।

त्यहाँ गत सालमा भर्ना भई दोश्रो बर्षमा अध्ययन गर्ने कक्षा–१२ का बिद्यार्थीहरुले स्वागत गरेका हुन् ।
स्वागत कार्यक्रम धरान १५ स्थित शिक्षा माविको सदन सभा हलमा भएको हो ।

कार्यक्रममा सुमेधा एजुकेसन कन्सल्टेन्सी नेट्वर्क प्रा.लि. का कार्यकाी निर्देशक सिइओ सुरेन्द्र घिमिरेले प्रयोगात्मक शिक्षामा जोड दिनु पर्ने बताउँदै स्वदेशमा नै अध्ययन गर्न उत्पे्ररणा जगाएका थिए ।

कार्यक्रममा एकेडेमीका प्रीन्सिपल सन्तोष कोइराला, म्यानेजमेन्ट कोअर्डिनेटर दुर्गा सुबेदी, एकेडेमीक निर्देशक नेत्र सुबेदी लगायतले अबिर र खदा लगाएर बिद्यार्थीहरुलाई स्वागत गरेका हुन।

स्वागत कार्यक्रममा बिद्यार्थीहरुले आकर्षक नृत्य र गीत प्रस्तुत गरी मनोरञ्जन प्रदान गरे।कार्यक्रम कक्षा–१२ की छात्रा सोयु श्रेष्ठको अध्यक्षतामा भएको थियो।