औषधी व्यवसायी दोहोरो मारमा प्रतिबन्धित औषधिहरु बजारमा विक्री

धरान/ नेपाल सरकारले स्वीकृति नदिएका औषधिहरु धमाधम भित्रिदै गएको अवस्थामा मेडिकल व्यवसायहरुले यसलाई रोक्न व्यवसायीहरु नै सचेत हुनुपर्ने अवस्था आएको बताएका छन् ।
इजाजत विनाको औषधि भित्रिने र लागू औषधमा पसेकाहरुले औषधिलाई लागू औषधको रुपमा प्रयोग गर्ने वेथिति बढ्दै गएको अवस्थामा मेडिकल व्यवसायीहरुले यसलाई रोक्नुपर्ने बताएका थिए ।

नेपालमा पछिल्लो समय नेपाल सरकार मातहतको औषधि विभागले इजाजत नदिएका औषधीहरु धधाधम भित्रिने र युवा पुस्ताले यसलाई लागू औषधको रुपमा प्रयोग गर्ने विकराल समस्या देखिएकोप्रति इंगित गदै व्यवसायहरुले मेडिकल व्यवसाय नै सचेत भएमात्र यसलाई रोक्न सकिने बताएका हुन ।

नेपाल मेडिकल व्यवसायी संघ सुनसरीले आयोजना गरेको दशै, तिहार तथा छैठ पर्व शुभकामना आदानप्रदान कार्यक्रममा व्यवसायीहरु आपैm सचेत नभए भविष्यमा यसले विकराल रुप लिने बताएका हुन् ।

सो अवसरमा बोल्दै नेपाल औषधि व्यवसायी संघका पूर्व जिल्ला अध्यक्ष रविन्द्र घिमिरेले कुन औषधि विक्री गर्न मिल्ने हो कुन नमिल्ने हो भन्ने व्यवसायीहरुलाई थाहा हुँदाहँुदै पनि व्यवसायीहरुमा लोभलालाच बढ्दै गएको बताउदै लोभलालचनमा नलागी सबैले इमान्दारिता देखाउन आग्रह गरे ।

सो अवसमा बोल्दै सुनसरी अध्यक्ष दिपेन्द्र साहले सबै औषधि व्यवसायीहरुलाई गैरकानुनी काम नगर्न आग्रह गरे । उनले इमान्दारितापूर्वक गरेको व्यवसाय लामो सय टिक्ने र छवि समेत राम्रो हुने भएकोले गैरकानुनी रुपमा औषधि विक्री वितरण नगर्न व्यवसायीहरुलाई आग्रह गरेका् हुन् ।

यता व्यवसायीहरुले भने राज्य र अस्पताल व्यवसायी दोहोरो मारमा परेको बताएका थिए । उनीहरुले चिकित्सकले लेखिदिएको औषधि राज्यका तर्फबाट बन्देज हुने अवस्था पनि आइरहेको कारण समस्या हुने गरेको बताएका थिए ।

नेपालमा अहिले आइएनजे एमिडोन, आइएनजे पारासिटामोल, आइएनजे डेजरिम,स्पासपेन, ट्रामाडोल लगायतका प्रतिबन्धित औषधिहरु बजारमा विक्री हुने गरेका छन् । यस्ता औषधिहरु युवा पुस्ताले लागू औषधको रुपमा प्रयोग गर्ने गरेका छन् ।

प्रहरीले जति नै नियन्त्रण गरे पनि नियन्त्रण हुन नसकेको बेलामा व्यवसायीहरुले यसलाई नियन्त्रण गर्नुपर्ने आवाज उठाएका हुन ।