_1693980289.gif "#")
विराटनगर/अविरल बर्षासँगै कोशीको बहाब बढेपछि भारतको दरभंगामा फुटेपछि आसपासका गाउँ जलमग्न भएको छ ।
भारतको दरभंगा जिल्ला स्थित किरातपुर ब्लकको भु भाग गाउँ नजिकै कोशीको पश्चिमी बाँध भत्किएको हो ।
गाउँ संरक्षण गर्नको लागि कोशीको बाँध टुटपछि दरभंगा जिल्लाका गाउँहरू बाढीको चपेटामा परेको विहार सरकारको जल संसाधन विभागले जनाएको छ । विभागले सरकारी अधिकारीहरूले बाढी र तटबन्धको अवस्थाबारे समीक्षा समेत गरेको उल्लेख गरेको छ ।
गाउँहरूलाई डुबानबाट बचाउनका लागि युद्धस्तरमा काम गर्न सम्बन्धित निकायहरूलाई निर्देशन दिइएको जनाइएको छ ।
प्रभावित क्षेत्रमा तत्कालै सुरक्षा सहयोग पुर्याउन सरकारी अधिकारीहरूलाई निर्देशन गरिएको विभागले जनाएको छ ।
भत्किएको बाँध क्षेत्रमा मंगलबार नै करिव दुई लाख थान तटबन्ध प्रतिरोधक झोलाहरू र पाँच लाख ७ हजार नाइलन क्रेटहरू तयारी अवस्थामा राखिएको जनाइएको छ ।
कोशी नदी फुट्दा नेपालमा हुने क्षतिको तुलनामा भारतमा धेरै हुने गरेको छ ।
प्रभावित क्षेत्रमा आज विहान बिहारका मुख्यमन्त्री नितिश कुमारको निर्देशनमा उच्च अधिकारीहरूद्वारा हवाई निरीक्षण गरेका थिए ।
