हिविकस जिल्ला स्तरीय प्रतियोगिता धरानमा तयारी शुरु,सय बढी विद्यालयको सहभागिताको अनुमान "प्रतियोगिता पुष १२ र १३ गते स्कुलको प्राङ्गणमा आयोजना हुनेछ"

धरान ।विद्याथीहरुको बौद्धिकताको क्षमता विकास गर्ने उद्धेश्यले तेस्रो जिल्ला स्तरीय हाजिरीजवाफ प्रतियोगिता हुने भएको छ।
हिविसकस इङलिस वोडिङ स्कुल धरानले तेश्रो जिल्ला स्तरीय हाजिरी जवाफ प्रतियोगिता आयोजना गर्ने भएको हो ।स्कुलले पत्रकार सम्मेलनको आयोजना गरी कार्यक्रमको आयोजना गर्ने विषयमा जानकारी दिएको हो ।
पत्रकार सम्मेलनमा विद्याथीैहरुलाई पढाईको अतिरिक्त वौद्धिक क्षमतालाई अगाडी वढाउने उदेश्यले कार्यक्रमको आयोजना गर्न लागिएको स्कुलका सल्लाहकार पवन झा ले जानकारी दिए ।विगत दुई वर्षदेखि स्कुलले हिविसकस क्विज मेनिया नाम दिएर (हाजिरी जवाफ प्रतियोगिता) आयोजना गर्दै आएको छ ।
विगत दुई वर्षदेखि धरान नगर स्तरीय प्रतियोगिता सम्पन्न गरेकोमा यस वर्ष सुनसरी जिल्ला स्तरीय प्रतियोगिता आयोजना गर्न लागिएको स्कुलका प्रवन्ध निर्देशक गंगाराम राईले जानकारी दिए ।प्रतियोगितामा सुनसरी जिल्ला भरीका १सय विद्यालयले सहभागीता जनाउने विश्वास रहेको कार्यक्रम संयोजक सुवास मोक्तानले वताए ।
प्रतियोगितामा प्रथम हुने टिमले नगद १५ हजार,रनिङ ट्रफि,मेडल र प्रमाण–पत्र प्राप्त गर्नेछन् भने दोस्रो हुने टिमले नगद १० हजार मेडल र प्रमाण–पत्र प्राप्त गर्ने स्कुलका प्रवन्ध निर्देशक गंगाराम राईले जानकारी दिए ।प्रतियोगितामा तेस्रो हुनेले नगद ८ हजार,मेडल र प्रमाण– पत्र प्राप्त गर्नेछन् ।

त्यस्तै चौथो हुने टिमले ६ हजार नगद र प्रमाण–पत्र प्राप्त गर्नेछन् , भने पाचौं हुने टिमले नगद ४ हजार र प्रमाण–पत्र पाउने छन् । सान्तवना हुने टिमले नगद २ हजार र प्रमाण–पत्र प्राप्त गर्नेछन् ।प्रतियोगिता पुष १२ र १३ गते स्कुलको प्राङ्गणमा आयोजना हुनेछ ।

पहिलो चरणमा छनौट हुने शिर्ष स्थानका ६ वटा टिमले १३ गते हुने फाइनलमा भाग लिन पाउनेछ । २०७९ सालबाट शुरु भएको सो प्रतियोगिताको पहिलो विजेता हिबिसकस इङ्लिस वोडिङ स्कुल वनेको थियो भने दोस्रो वर्षको विजेता नेपाल पुलिस स्कुल बनेको थियो ।