_1693980289.gif "#")
धरान/ धरान नगरस्तरीय ‘धरान स्कुल सिङ्गिङ च्यालेन्ज–२०८१’ (सिजन–१) को बुधबार सम्पन्न पहिलो अडिसनबाट ४१ जना प्रतिष्पर्धीहरू छनोट भएका छन् ।
उनीहरूले दोस्रो चरणमा प्रवेश गरेका छन् ।
प्रतियोगितामा धरान उपमहानगरभरिका सामुदायिक र निजी गरी १७ विद्यालयका कक्षा १० सम्मका ५१ जना विद्यार्थी सहभागी भएको आयोजक र्याडिकल लाइट नेपाल प्रालिका अध्यक्ष तीर्थ कार्कीले जानकारी दिए ।
विद्यालय तहमा अध्ययनरत् विद्यार्थीहरूभित्र लुकेर रहेको गायन प्रतिभालाई प्रस्फुटन गराउने उद्देश्यले आयोजित प्रतियोगिताको दोस्रो चरणको प्रतियोगिता यही भदौ २५ गते धरान–८ स्थित सहिद स्मृति माविको सभाहलमा हुने आयोजकले जनाएको छ ।
प्रतियोगिताका निर्णायकहरूमा म्युजिक कम्पोजर/गायक प्रशान्त शर्मा र सङ्गीत प्रशिक्षक विनायक राई रहेका छन् ।
प्रतियोगिताका विजेता, फस्र्ट रनर अप र सेकेन्ड रनर अपलाई क्रमशः नगद १० हजार, ५ हजार, ३ हजार रुपैयाँका साथै ट्रफी, मेडल र प्रमाणपत्र दिइने अध्यक्ष कार्कीले जनाए ।
र्याडिकल लाइटले बाल दिवसका अवसर पारेर प्रतियोगिता आयोजना गरेको हो ।
तस्बिरहरू :
