_1693980289.gif "#")
धरान/ केही दिनअघि धरान वडा नं ३ स्थित माछाभौडी नजिकै श्रीपथमा १४ बर्षीया युजिन शाहीको हत्या गरिएको घटनाका विषयमा स्थानीय सरकारले चासो देखाएको छ ।
धरान उपमहानगरपालिका वडा न. ३ को पहलमा धरान उपमहानगरपालिकाले पीडित परिवारलाई ५ लाख रुपैया सहयोग उपलब्ध गराएको छ भने दोषीलाई हदैसम्मको कारबाही गर्न उपमहानगरपालिकाले यस भन्दा अगाडि सम्बन्धित निकायमा पत्राचार समेत गरेको छ ।
घट्ना वडा नं. ३ मै परेको हुनाले सर्वसाधारणलाई परेको समस्यामा स्थानीय सरकारबाट केही सहयोग गर्नुपर्छ भन्ने अभिप्रायले वडा न. ३ का वडाध्यक्ष विद्या शाक्यको पहलमा धरान उपमहानगरपालिकाले ५ लाख रुपैया सहयोग गरेको हो ।
सहयोग उपलब्धसँगै यही आउदो २० गते धरानबाट सञ्चालित विद्यालयमा शोक विदा समेत गरिने निर्णय गरिएको वडाअध्यक्ष विद्या शाक्यले बताए ।
घट्नाका विषयमा दोषीलाई कारबाही गर्नुपर्ने माग राख्दै सम्बन्धित निकायमा आफै पुगेको र यस्तो विपतको समयमा सानो सहयोग गर्नुपर्छ भन्ने लागेर सहयोग गरेको धरान उपमहानगरपालिकाका उपमेयर अइन्द्रविक्रम बेघाले बताए ।
केही दिन अगाडि वडा नं ३ का वडाअध्यक्ष विद्या शाक्य सहित जनप्रतिनिधिहरुले इलाका प्रशासन कार्यालय धरान र इलाका प्रहरी कार्यालय धरानमा पत्र बुझाउदै कारबाहीको माग गरेका थिए ।
भदौ ११ गते बिहान करिब ११ः४५ बजे सृर्जना शाही र उहाँकी छोरी युजिनमाथि धारिलो हतियार प्रहार भएको थियो । आमा सृर्जना घाइते भएकी हुनुभएको थियो भने युजिनको उपचारको क्रममा मृत्यु भएको थियो ।
युजिन विजयपुर स्कुलमा कक्षा ९ मा अध्ययनरत हुनुहुन्थ्यो ।
सो घटनामा संलग्न संखुवासभा नगरपालिका २ चेवावेसीका बबिन बराल पक्राउ परिसकेका छन् ।
उनी सृर्जनाकी आफ्नै बहिनीका श्रीमान् हुन् । उनीविरुद्ध प्रहरीमा किटानी जाहेरी पनि परिसकेको छ ।
यस विषयमा अनुसन्धान भइरहेको इलाका प्रहरी कार्यालय धरानका डिएसपी प्रकाश जवेगुले जानकारी दिए ।
