_1693980289.gif "#")
धरान/ धरान मेघा हिमालयन कलेजमा ‘मेघा फलेयर बारटेन्डिङ कार्यशाला’ सम्पन्न भएको छ ।
होटल म्यानेजमेन्ट विषय लिएर अध्यनरत् कक्षा ११ र १२ का विद्यार्थीहरूलाई लक्षित गरिएको तीनदिने कार्यशाला गत शुक्रवार सम्पन्न भएको हो ।
विद्यार्थीहरूलाई काठमाडौँको ककटेल एन्ड फ्लेयर एकेडेमीका सीईओ एवम् बार टेन्डर गुरुप्रसाद दाहालले प्रशिक्षण दिएका थिए ।
उनले विभिन्न पाँचतारे होटल र अन्तर्राष्ट्रिय स्तरका कार्यक्रमहरूमा बारटेन्डिङसम्बन्धी कार्यशाला सञ्चालन गरिसकेका छन् ।
कार्यशालाबाट कक्षा ११ र १२ का साथै डीएचएमका समेत गरेर २९० विद्यार्थीले प्रत्यक्ष लाभ लिएको मेघाका होटल म्यानेजमेन्ट विभाग प्रमुख पोषण श्रेष्ठले जनाए ।
बारटेन्डिङ (मिक्सोलोजी र फेलेयरिङ) सम्बन्धी प्रशस्त जानकारी प्राप्त भएका कारण धेरै विद्यार्थीले भविष्यमा सफल बारेटेन्डर बन्ने लक्ष्य राखेको विभागीय प्रमुख श्रेष्ठले बताए ।
मेघा कलेजले यस प्रकारको कार्यक्रम हरेक वर्ष आयोजना गर्ने गरेको छ । मेघाले यसलाई आप्mनो ‘सिग्नेचर कार्यक्रम’ को रूपमा लिएको छ ।
कार्यक्रमबाट भविष्यमा बारटेन्डिङमा सफल करियर बनाउन चाहने विद्यार्थीमात्र नभएर होटल म्यानेजमेन्टका सम्पूर्ण विद्यार्थीहरू लाभान्वित भएको श्रेष्ठको भनाइ छ ।
कार्यशालाका क्रममा विद्यार्थीहरूलाई मिक्सोलोजी मात्र नभएर जगलिङको पनि विशेष तालिम प्रदान गरिएको ।
धरानका अन्य कलेजमा यस प्रकारका कार्यक्रम हुने गरेको छैन ।
कार्यशालापछि सहभागीहरूलाई प्रमाणपत्रसमेत वितरण गरिएको थियो ।
मेघा यस प्रकारको कार्यशाला आयोजना गर्ने प्रदेशकै एकमात्र होटल म्यानेजमेन्ट कलेज हो ।
यहाँ स्वीस कन्ट्याक्ट कार्यक्रमअन्तर्गत हरेक वर्ष विद्यार्थीहरूलाई अन्तर्राष्ट्रिय प्रशिक्षकबाट विशेष प्रशिक्षणका साथै राष्ट्रिय–अन्तर्राष्ट्रिय स्तरका विभिन्न प्रशिक्षण पनि दिने गरिएको छ ।
गत वर्ष सञ्चालित कक्षा १२ को बोर्ड परीक्षामा होटल म्यानेजमेन्टतर्फ मेघाकी छात्रा धरानमै उत्कृष्ट नतिजा ल्याउन सफल भएकी छन् ।
_Poush 22_1736170149.jpg "#")
_1734253975.jpg "#")
