_1693980289.gif "#")
धरान/ कोरोना कालमा स्वर्गबास भएका मेजर श्रवण कुमार लिम्बुको स्मृतिमा विगत २ बर्ष देखि हुदै आएको बास्केटबल प्रतियोगिताको तेश्रो संस्करण यो बर्ष यहीँ भदौ २७ गतेदेखि धरानमा हुने भएको छ ।
आईतबार धरान १८ स्थित रहेको डिपो मावि धरानले पत्रकार सम्मेलन गरी प्रतियोगिताको बारेमा जानकारी दिएको हो ।
“ मेजर श्रवण कुमार लिम्बु मेमोरियल डिपो बास्केटबल रनिङग कप” भनेर विगत तीन बर्षदेखि निरन्तर हुदै आएको छ । प्रतियोगिता भदौ २७ गतेबाट ३१ गते सम्म हुने डिपो माविका प्रध्यानाध्यापक राजकुमार राईले बतएका छन् ।
तेश्रो संस्करणको रुपमा आयोजना गरिएको प्रतियोगितालाई कोशी प्रदेश भरिका बिद्यालयलाई सहभागिताको लागि आह्वान गरिएको छ ।
बिजेतालाई पुरस्कार
प्रथम पुरस्कार रु १५००, ट्रफी, मेडल तथा प्रमाणपत्र, दोश्रो पुरस्कार रु ७५००, ट्रफी, मेडल तथा प्रमाणपत्र, मस्ट भेलुएवल प्लेयरको लागि ट्रफी र प्रमाण पत्र र हाई स्कोरको लागि ट्रफी र प्रमाण पत्रबाट पुरस्कृत गरिने प्रधानाध्यापक राईले बताए ।
सहभागी धेरै हुने भए लिग कम नकआउट र कम सहभागी हुने भएमा नकआउट खेल खेलाउने योजनामा रहेको बताए ।
स्वर्गीय मेजर श्रवण कुमार लिम्बुले डिपो माविको विद्यालय व्यवस्थापन समितिलाई १६ बर्षसम्म लगातार नेतृत्व सम्हालेका थिए ।
उनकै पालामा स्कुललाई प्लस टु,कलेज सम्म स्तरोन्नती गरी अहिलेको डिपो आर्दश बहुमुखी क्याम्पस गठन गरिएको थियो ।उनकै स्मृतिमा यो प्रतियोगिता हुँदै आएको छ ।
