वी.पी प्रतिष्ठानका कर्मचारी र शिक्षकको बढुवा

धरान/ बीपी कोइराला स्वास्थ्य विज्ञान प्रतिष्ठान धरानमा लामो समयदेखि रोकिएको कर्मचारी तथा शिक्षक बढुवाको नतिजा प्रतिष्ठानले प्रकाशित गरेको छ ।  

प्रतिष्ठानमा कार्यरत कर्मचारी तर्फ १४ वर्ष तथा शिक्षक तर्फ ६ वर्ष देखि थाँती रहेको बढुवा प्रकृयाले हाल निकास पाई नतिजा प्रकाशित गरेको हो ।

प्रतिष्ठानमा कार्यरत शिक्षक तथा कर्मचारीहरुको फायल मूल्यांकन तथा अन्तर्वार्ता प्रकृयाबाट आन्तरिक एक तह बढुवाको नतिजा मिति

२०८१ आषाढ २७ गते प्रकाशित भएको हो ।

उक्त प्रकृयाका लागि २०७९ पौष २० गते शिक्षक तथा कर्मचारीहरुको एक तह बढुवा तथा स्तर वृद्धी र २०७९ माघ २५ गते करार सेवामा पदपूर्ति गर्न प्रतिष्ठानबाट सूचना जारी गरी आवेदन माग गरिएको थियो ।

आवेदन दिनेहरु मध्ये शिक्षक तर्फ स्थायी र करार गरी १ सय ९५ जनाको एक तह बढुवा भएको छ भने कर्मचारी तर्फ स्थायी, परफर्मेन्स करार, करार गरी ४ सय ९ जनाको एक तह बढुवा भएको छ भने ३ सय ९ जनाको स्तर वृद्धि भएको छ ।

कर्मचारी र शिक्षकले रोकिएको बढुवा प्रक्रियाको नतिजा प्रकाशित भएपछि प्रतिष्ठानका उपकुलपति डा. ज्ञानेन्द्र गिरीलाई धन्यबाद दिएका छन् । 

फायल तस्बीर