चतराधाममा कौशीकी सन्ध्याकालिन आरती सुरुः "संगम विष्ट"

वराहक्षेत्र/  सुनसरीको वराहक्षेत्र नगरपालिका वडा नं १ मा रहेको प्राचीन हरिद्वार चतराधाम स्थित कौशीकि गंगा (सप्तकोशी किनार) मा सन्ध्याकालिन महा आरतीको शुभारम्भ गरिएको छ ।

नगरपालिकालाई पर्यटकीय क्षेत्रको रुपमा थप आक्रषित तथा धार्मिक गतिबिधि बढाउने योजना अनुसार नगरपालिकाले उक्त सन्ध्याकालिन आरती मङलवार सांझबाट सुरु गरिएको नगरपालिकाको आर्थिक बिकाश शाखाका प्रमुख मातृका तिवारीले बताए ।

धार्मिक पर्यटनको बिकास र वराहक्षेत्रको महत्ब बढाउन सन्ध्याकालिन आरती गर्न कार्यलाइ नगरपालिकाले नीति तथा कार्यक्रमै समावेश गरेको नगर प्रमुख रमेश कार्कीले बताए ।

 

श्रावण १ गतेबाट सुरु गरिएको उक्त सन्ध्याकालिन आरती कार्यक्रम श्रावण महिना भर हप्तामा दुई पटक शनिबार र आइतबार आयोजना गरिनेछ । श्रावण महिना पश्चात् थप परिमार्जन र तालिका बनाएर सन्ध्याकालिन आरति कार्यक्रम सुरु गरिने नगर प्रमुख कार्कीले बताए ।

नगरपालिको आयोजना र प्रथम जगद गुरु पिठ चतराधाम तथा राधाकृष्ण भक्ति साधना प्रतिष्ठानसंग सहयोगमा मङलवार सांझ सुभारम्भ भएको सन्ध्या कालिन आरतिमा नेपाल राष्ट्रका प्रथम जगदगुरु वालसन्त महोन शरणको समेत विशेष सहभागिता रहेको थियो ।

सन्ध्यामा कार्यक्रममा नगर प्रमुख रमेश कार्की, उप–प्रमुख नन्दकुमारी सुनुवार, निमित्त प्रमुख प्रशासकीय अधिकृत देवेन्द्रबहादुर मल्ल, वडाध्यक्षहरु, वडाका जनप्रतिनिधिहरु, कर्मचारीहरु, राजनैतिक दलका नेताहरु, धार्मिक तथा सामाजिक संघसंस्थाका पदाधिकारीहरु, सुरक्षा निकायका अधिकारीहरु , पण्डित, धार्मिक अगुवा, विद्यार्थी तथा स्थानियहरुको उपस्तिथि रहेको थियो ।