धरान/बिद्यार्थीको फलामे ढोकाको रुपमा रहेको एसइई परीक्षामा यसपाली धरानका नीजि विद्यालयहरुको नतिजा उत्कृष्ट पाइएको छ ।
प्रायः निजि बिद्यालयहरुले सत प्रतिशत नतिजा ल्याउन सफल भएका छन् ।
धरानकै उत्कृष्ट विद्यालयमा चिनिदैं आएको डिपोर्ट स्कुल धरान १८ र भिक्टोरी आवसिय मावि धरान ११ ले यो वर्षको नतिजा सतप्रतिशत गर्न सफल भएको छ ।
डिपोर्ट स्कुलले जम्मा ९६ जना विद्यार्थीहरु नै उत्कृष्ट नतिजा ल्याएर परीक्षामा उतीर्ण भएका छन् ।
विद्यालयका प्रधानाध्यापक राजकुमार राईका अनुसार ए प्लस १० जना,ए ग्रेड ५९ र बी प्लस र बी ग्रेडमा उतीर्ण भएको जनाएको छ ।
उनले भने हामी हरेक बर्ष सतप्रतिशत नतिजा ल्याउँदै आएका छौ,यो बर्ष पनि त्यस्तै उत्कृष्ट नतिजा ल्याएका छौ ।
डिपार्ट स्कुल धरानकै गुणस्तरीय शिक्षाका लागि उत्कृष्ट शिक्षा दिने स्कुलको रुपमा चिनिन्छ भने उक्त स्कुल पुर्ब ब्रिटिस लाहुरेहरुले सञ्चालन गरेका हुन् ।
डिपोर्टमा नर्सरीदेखि कक्षा ११ र १२ सम्म अध्ययन हुने गरेको छ भने स्कुलले यो बर्षको नयाँ विद्यार्थी भर्नाको लागि भर्ना अभियान शुरु गरेको छ ।
स्कुलले साइन्स,कम्युटर साइन्स र म्यानेजमेण्ट विषयमा अध्यापन गराउँदैछ ।
प्रधानाध्यपक राईका अनुसार कक्षा ११ र १२ मा यसपालीदेखि सबै स्मार्ट बोर्डको माध्यमद्धारा अध्यापन गराईने बताइएको छ ।
यसैगरि एक कार्यक्रमबीच एसईई उतीर्ण विद्यार्थीलाई स्कुलले मंगलबार एक कार्यक्रम गरि सम्मान समेत गरेको छ ।
यसैगरि धरान ११ को भिक्टोरी आवसीय माविको पनि सत्प्रतिसत विद्यार्थी एसईईमा उतीर्ण भएको प्रधानाध्यापक विनोद राईले बताए ।
उनका अनुसार यो बर्ष १८ जना विद्यार्थी सहभागी रहेका थिए भने ए प्लस एक जना ए ग्रेड १० जना र ६ जनाले वि प्लस ल्याएर उतीर्ण भएका छन् ।
प्रअ राईका अनुुुसार गत बर्षको तुलनामा यो बर्षको नतिजा राम्रो र उत्कृष्ट नतिजा हो ।
उक्त स्कुलमा पनि कक्षा ११ र १२ सम्म पढाई हुँदै आएको छ । स्कुलले यो वर्षको भर्ना अभियान पनि शुरु गरेको छ ।
भिक्टोरीमा कम्युटर साइन्स र म्यानेजमेण्ट विषयमा अध्यापन गराईदै आएको छ ।
_1719908310.jpg "#")
