बराहक्षेत्र/ सुनसरीको बराहक्षेत्र–१ चियावारी स्थित सिंहदेवी आधारभूत विद्यालयमा भविष्य वोक्ने झोला र स्टेशनरी विद्यार्थीले पाएपछि खुशीले गद्गद भएका छन् ।
आइतबार विद्यालयमा नै पुगेर समपर्ण अभियान नेपाल धरान सुनसरीले आफ्नो अभियान अन्र्तगत भविष्य वोक्ने झोला वितरण गरेपछि विद्यार्थी खुशीले गदगद् भएका हुन् ।
सामुदायिक विद्यालयका विद्यार्थीहरुलाई प्रोत्साहन गर्नको लागि व्याग र स्टेशनरी वितरण गरीएको अभियान नेपालका अध्यक्ष युनेश भण्डारीले वताए ।
अभियान नेपालले त्यस विद्यालयका १९ जना विद्यार्थीहरुलाई व्याग र स्टेशनरी सामाग्री वितरण गरीएको भण्डारीले जानकारी दिए ।
अभियान नेपालले प्रेम दिवसका अवसरमा भानुचोक,महेन्द्र बहुमुखी क्याम्पस र युएन कलेज र धरान आर्दश कलेजमा गुलाफको फुल वेचेर आएको नाफाबाट यस वर्ष चियावारी र धरान–२० स्थित उदय आधारभुत विद्यालयमा स्टेशनरी सामाग्री वितरण गरीएको अध्यक्ष भण्डारीले बताएका छन् ।
अभियान नेपालले हरेक वर्ष प्रेम दिवसका अवसरमा गुलाव फुल वेचेर आएको मुनाफाबाट विद्यालयमा सहयोग गर्दै आएको छ ।यस्तो कार्यक्रममलाई आगामी दिनमा पनि निरन्तरण दिदै जाने आयोजकले जनाएको छ ।
समर्पण अभियान नेपालले हरेक वर्ष सिर्जनशील र रचनात्मक कार्यहरु गर्दै आएको छ ।
किवानिज क्लव अफ इटहरीको सहकार्यमा सो कार्यक्रम सम्पन्न भएको थियो ।
