धरान/ नेपाल ब्राम्हण समाज धरान नगर कमिटीले उद्घोषण तालिमको आयोजना गरेको छ ।
स्थानीय सरकार धरान उपमहानगरपालिकाले जातीय संघ संगठनलाई छुट्याउने बजेट अन्तर्गत खस आर्यको लागि विनियोजित रकमबाट धरान १० सिंहदेवी मन्दिरको प्रांगरणमा उद्घोषण तालिमआयोजना गरिएको हो ।
तालिममा ५ दिनसम्म सञ्चालन भएको सो उद्घोषण तालिममा विष्णु बराल र जयप्रसाद निरौलाले सहजीकरण गर्नुभएको थियो । तालिममा २२ जना युवा युवतीको सहभागिता रहेको थियो ।
१२ अगाडि समाजले समय हिन्दु सनातन धर्म त्यसमा पनि बाम्हण तथा क्षेत्रीयहरुले पूजाआजा, विवाह समारोह लगायतमा प्रयोग गर्ने बालेन, संगीनीलगायतका तालिम दिइएका थियो । युवा पुस्तालाई सँस्कृति सम्बन्धी जानकारी होस् भन्ने उद्देश्यले तालिमको आयोजना गरिएको समाजका अध्यक्ष उद्धव अधिकारीले बताए ।
सामाजिक अभियन्ता पितरुमल अग्रवालको प्रमुख आतिथ्यमा सम्पन्न कार्यक्रममा प्रशिक्षक लालबहादुर कार्की र अञ्जना पौडेलले तालिम प्रभावकारी भएको बताएका थिए । उनीहरुले तालिमबाट धेरै कुरा सिकेको बताउदै यसलाई व्यवहारमा उतार्ने बताए ।
कार्यक्रममा समाजिक विकास महाशाखा अधिकृत भुवनकुमारी राई लगायत विभिन्न सामाजिक संघ संस्थाको उपस्थिति रहेको थियो । कार्यक्रममा प्रशिक्षार्थीहरुलाई प्रमाणपत्र समेत वितरण गरेको थियो ।
