प्रथम पानबारी गोल्डकप: धनकुटा फाईनलमा

धरान/ वैशाख २२ गतेदेखि जारी प्रथम पानबारी गोल्डकपमा विहीबार भएको खेल सम्पन्न भएको छ । 

आज भएको खेलमा सिसिडीआईसि धनकुटाले रक्कि ईन्टरनेशनल फुटबल क्लब काठमाडौलाई हराउदै फाईनल यात्रा तय गरेको छ । 

उक्त खेलमा दोस्रो सेमिफाइनल खेलमा रक्की इन्टरनेशनल फुटबल क्लब काठमाडौलाई ४–१ गोल अन्तरले हराउदै फाईनलको लागि बाटो तय गरेको हो ।

सिसिडिआईसि धनकुटाको जितका लागि खेलको पहिलो हाफको २० औ मिनेटमा जर्सि न २३ का दिलेन लिम्बुले पहिलो गोल गरेका थिए भने खेलको पहिलो हाफको ३५ औ र दोस्रो हाफको २५ औ मिनेटमा जर्सी न ३५ का सुनिल खडकाले २ गोल गरे ।त्यस्तै जर्सी न ५१ का मिलन लिम्बुले खेलको दोस्रो हाफको ४ औ मिनेटमा थप १ गोल गरेका थिए ।

उता रक्की इन्टरनेशनल फुटबल क्लब काठमाडौको तर्फबाट जर्सि न ७ का सिजल राईले खेलको पहिलो हाफको २१ औ मिनेटमा १ गोल फर्काए पनि आफ्नो टिमको हार टार्न सकेन ।

खेलको म्यान अफ द म्याच जर्सी न ५१ का मिलन लिम्बू घोषित हुँदै नगद ३ हजार १ सय प्राप्त गरेको छ।

गएको बैशाख २२ गतेबाट सुरु भएको प्रथम पानवारी गोल्डकप प्रतियोगिताको बिजेताले नगद १ लाख ११ हजार १ सय ११ र उप बिजेताले ५५ हजार ५ सय ५५ सङै ट्राफी मेडल तथा प्रमाणपत्र प्राप्त गर्ने आयोजक फुटबल क्लवका अध्यष कृष्ण कुमार राईले बताए ।

केएफसी केराबारी फुटबल क्लब संग आउने बैशाख २९ गते शनिबार अन्तिम प्रतिष्पर्धा गर्ने भएको छ ।