धरान/ धनकुटामा सम्पन्न साँतौ खाँदले सिंहदेवी गोल्डकपमा विजेता खेलाडीलाई आज एक कार्यक्रम वीच सम्मान गरिएको छ ।
पानबारी फुटवल क्लवले आज धरान ६ स्थित आफ्नै क्लवको भवनमा एक कार्यक्रमवीच सम्मान गरेको हो ।
क्लवका अध्यक्ष भुपाल (कृष्ण कुमार ) राई सहित पदाधिकारी र सल्लाहकारहरुले खेलाडी प्रोत्साहनका लागि नगद सहित खादा ओढाएर सम्मान गरेको छ ।
धनकुटामा सम्पन्न भएको गोल्ड कपमा क्लव र खेलप्रति खेलाडीले देखाएको योगदानलाई सम्मान गर्दै खेलाडीको प्रोत्साहनको लागि सम्मान गरिएको क्लबका अध्यक्ष राईले वताउनु भएको छ ।
खेलाडीलाई सम्मान गर्दै आउने दिनमा समेत खेलाडीले उत्कृष्ट खेल प्रदर्शन गरेर विजेता हुन उपस्थित पदाधिकारीले वधाई तथा शुभकामना दिएका थिए ।
एकसाता अघि भएको फाइनल खेलमा पानबारी फुटवल क्लबले फाक्सीप क्लब धनकुटालाई हराउँदै उपाधी जित्न सफल भएर उक्त खेलमा क्लबले नगद १ लाख ११ हजार १ सय ११ रुपैयाँ,सिल्ड,र प्रमाण पत्र जित्न सफल वनेको छ ।
पानवारी फुटवल क्लव २०८० साल दर्ता भई खेल जगतको फुटबलमा खेलाडी उत्पादन र क्षमता विकासको लागि क्रियासशी रहेको छ ।
क्लवको आयोजनामा यही वैशाख २२ गतेदेखि प्रथम पानबारी गोल्डकपको पनि आयोजना गर्दैछ ।
गोल्डकप सम्पन्न गर्नको लागि तयारी तीव्र भईरहेको अध्यक्ष राईले वताउनु भएको छ ।
