_1693980289.gif "#")
सुनसरी/ पछिल्लो समय तमोर करिडोरको ट्रयाक खुलेसँगै सवारी साधनको चाप बढेको छ ।
तमोर करिडोरको ट्रयाक खुलेसँगै पछिल्लो तमर क्षेत्रमा बढ्दो बजारीकरण र आर्थिक चलायमान हुदै गएपछि यहाँका स्थानीयहरुले सुरक्षा पोष्ट स्थापनको माग गरेका छन् ।
करिडोरको प्रस्थान विन्दु मुलघाटदेखि घनकुटा र पाँचथरको सीमा क्षेत्र नावा खोला सम्मको दूरी २८ किमी रहेको छ ।
यो सडक हुदै दैनिक २ सय साधन आवात जावत गर्ने गर्छन् ।
तर बढ्दो चाप र यतिलामो समय खण्डमा कुनै पनि सुरक्षा पोस्ट छैन । यो क्षेत्रमा कुनै घटना वा दुर्घटना भए मुढेबास र डाँडा बजारमा रहेको प्रहरी चौकीसम्म पुग्नुपर्ने बाध्यता छ ।
भौगोलिक दृष्टिकोणले यी चौकी तमोर गढदेखि चारपाँच घण्टाको पैदल दूरीमा रहेको छ । सुरक्षाको दृष्टिकोणले यस क्षेत्रमा सुरक्षा चेकपोष्ट राख्न अति आवश्यक भएको स्थानीय बताउँछन् ।
बढ्दो चहलपहललाई मध्यनजर गरी स्थानीयले तमोर गढमा सुरक्षा पोष्ट स्थापना गर्न माग माग गरेका छन् ।
सागुरीगढी गाउँपालिका वडा नं. ३ कुसेटारका खेलबहादुर न्यौपानेले सुरक्षा तथा दुर्गघटना जस्ता कुरलाई मध्यनगर गरी यो ट्रयाकमा सुरक्षा पोष्ट राख्नुपर्नेमा जोड दिए ।
भएको सुरक्षा पोष्ट डाडाबजारबाट आइपुग्न धेरै समय लाग्ने भएकोले सम्बन्धित स्थानमा पोष्ट खडा गर्दा सबैलाई सहज हुने उनको भनाई छ ।
चौविसे गाउपालिकाका होल व्यवसायी हरि ओझाका अनुसार चौविसे गाउँपतिमोर करिडोर १ सय ४१ किमी राजमार्ग बन्दै छ ।
यो राजमार्गमा प्रहरी चौकी मुलघाटबाट छिरिसकेपछि धेरै लामो दूरीसम्म नभएका कारण बाटो जोखिम भएकोले जोखिम यात्रासँगै दुर्घटना भइहालेको खण्डमा प्रहरी नै चाहिने भएकोले पनि प्रहरी चौकी आवश्यक रहेको ओझाको भनाई छ ।
व्यवसायिक सुरक्षाका लागि पनि प्रहरी चौकी आवश्यक रहेको उनको भनाई छ ।
तमोर करिडोरको यो क्षेत्रमा होटल तथा अन्य व्यवसाय खुल्ने क्रम बढ्दै गएको छ । यसले यो क्षेत्रमा आर्थिक गतिविधि समेत बढेको छ ।
व्यापारी तथा व्यवसायको संरक्षणको लागि राज्यले तमोर करिडोरमा तत्काल सुरक्षा पोष्ट गर्नुपर्ने आवश्यकता रहेको स्थानीयको भनाई छ ।
धनकुटाका प्रमुख जिल्ला अधिकारी पुण्य विक्रम पौडेलले यो क्षेत्रमा बढ्दो सुरक्षा चुनौतिलाई मध्यनजर गर्दै सुरक्षापोष्ट निर्माण गर्न माथिल्लो निकाय सिफारिस गरेर पठाएको बताए ।
त्यो निर्णय नभएसम्म जिल्ला तहबाट निर्णय गरेर तथा स्थानीय तहसँगको समन्वयमा अस्थायी प्रहरी पोष्ट राख्ने काम अगाडि बढाइने प्रजिअ पौडेलको भनाई छ ।
यो क्षेत्रम साँगुरीगढी गाउँपालिकाको घोसेटार, चौविसे गाउँपालिकाको सदाम टार, हंसा मोरङ, फलामे टार, भैसे टार लगायतका गाउ पर्छ ।
धनकुटासहित पाँचथर, ताप्लेजुङ, तेह्रथुमको विभिन्न स्थानको लागि सवारी साधन यही करिडोरबाट आवतजावत हुने गरेको छ ।
