धरान /लामो समय देखि सुस्त गतिमा अघि बढेको रानी किमाथाङ्का सडक अन्तर्गतको तरहरा धरान सडक खण्डको एक तर्फी सडक निर्माण सम्पन्न भएको छ ।
प्यासिफिक कन्सट्रसन प्रालिले ठेक्का पाएको तरहरा धरान सडकको एकतर्फी दुइलेन सडकको कालोपत्रे सम्पन्न हुन अव ५ सय मिटर मात्रै बाँकी छ ।
अन्य स्थानमा कालोपत्रेको काम सकिएको छ ।
उक्त सडकको एकतर्फी सडक चैत २१ गते साँझबाट खुल्ला हुने भएपछि यातायात व्यवसायी मजदुर तथा आम उपभोक्तहरुलाई केही राहत हुने भएको छ ।
२०८० सालको असारसम्म काम सम्पन्न गर्नेगरी २०७७ सालबाट सुरु भएको सडक निर्माणमा लामो समयदेखि नियमित काम नहुँदा इटहरीबाट धरान हुँदै पहाडी जिल्लाका विभिन्न क्षेत्रमा यात्रा गर्नेहरुले कष्ट भोग्नु परेको थियो ।
विराटनगरको रानी धरान ६ लेनको सडक अन्तरगतको तरहरा – धरानको करिव १० किमी सडकमा २५ सय मिटर बाँकी थियो ।
एका तर्फको वाँकी रहेको दुई किमी सडक मंगलबार पुरा भएको र बाँकी ५ सय मिटरको कालो पत्र चैतभित्र सम्पन्न हुने कन्स्ट्रक्सनका सिनियर ल्याव टेक्निसियन अनिल देवकोटाले जानकारी दिए ।
एकातर्फ सडक पिच भए पछि बुधबार साँझदेखि नै सवारी आवत जावत गर्ने उनले बताए ।
वर्षौदेखि सडक नबन्दा स्थानीय जनप्रतिनिधिहरूले आलोचना खेपिरेका थिए ।
मंगलबार सुनसरी क्षेत्र नं. १ का दुवै प्रदेश सभा सदस्य रमेशकुमार बस्नेत र विजय कुमार राई, नेकपा एमाले कोशी प्रदेश सदस्य तथा मजदुर नेता भीमज्वाला राई, धरान उपमहानगर सहइञ्चार्ज टिका माङ्लेन,
जिल्ला सचिवालय सदस्य नारायण सुवेदी, धरान नगर अध्यक्ष हर्कजंग एभेङ, धरान उपमहानगरपालिका २ नं वडाध्यक्ष रमेश राई, १८ नं. वडाध्यक्ष नरेन्द्रकुमार राई, नेपाल यातायात व्यवसायी राष्टिय महासंघ कोशी प्रदेशका अध्यक्ष सरोज श्रेष्ठ लगायतको टोलीले सडकको अनुगमन समेत गरेको छ ।
एका तर्फको दुई लेनको कालो पत्रे पुरा भइ सडक खुले पठिूलो राहत भएको मजदुर नेता भीमज्वाला राईले जानकारी दिए ।
उनका अनुसार सडक बन्न ढिलाई हुँदा ८२ वटा दुर्घटनामा १० जनाको ज्यान गएको छ ।
१ सय ४१ जना घाइते भएका छन् । २०८० असारसम्ममा सबै सडक निर्मणा सकिने गरि काम भइरहेको डिभिजन प्रमुख इन्जीनियर राजेन्द्रप्रसाद साहले जानकारी दिनु भयो ।
यो सडक २०७६ सालमा सरकारसँग ठेक्का सम्झौता भएको थियो ।
तस्बिरः बिकास चाम्लिङ राई