_1693980289.gif "#")
धनकुटा/ धनकुटाको छथरजोरपार्टी २ ध्वजे डाँडालाई पर्यटकीय गन्तव्य बनाउन पूर्वाधार निर्माणको काम तीब्र पारिएको छ ।
तीन बर्ष अगाडिदेखि शुरु गरिएको सो निर्माण कार्यमा हालसम्म एक करोड भन्दा बढी खर्च भइसकेको छ ।
हालसम्म सो स्थानमा कोशी राजमार्गबाट डाँडासम्म पुग्न करिब डेढ किलोमिटर लामो छथर ग्रेट वाल निर्माण गरिएको छ ।
त्यस्तै ध्वजे डाँडामा लिम्बु जातिको सिलाङसाक्मा, मगर जातिको खुप्रेटोको प्रतिमा निर्माण गरिएको छ ।
त्यस्तै डाँडामा नेपालको राष्ट्रिय झण्डा, लव स्टेशन निर्माण गरिएको छ ।
सो स्थानमा पानी संरक्षण अभियान अन्तर्गत एक पोखरी निर्माण गरिएको छ ।
त्यस्तै वन कार्यालयले समेत सो स्थानमा रिचार्ज पोखरी निर्माणको तयारी गरेको छ ।
ध्वजे डाँडालाई छथर जोरपाटी गाउँपालिकाको मुख्य पर्यटकीय गन्तव्य बनाउन आफूहरु नयाँ सोचका साथ लागि परेको गाउँपालिकाका अधयक्ष छत्र सुब्बाले जानकारी दिए ।
संघ र प्रदेशसहित दाताहरुका सहयोगम पालिकाभित्रका सबै जातजातिको पहिचान झल्किने गरिका थप स्तम्भ निर्माण गरिने उनको भनाई छ ।
यो डाँडा करिब २३ सय मिटरको उचाईमा रहेको छ । डाँडाबाट सूर्योदय र सुर्यास्तसंगै विभिन्न रमणीय दृश्य नियाल्न सकिने बताइएको छ ।
