धरान /अन्तर्राष्ट्रिय गणित तथा पाई दिवसको अवसरमा यहाँस्थित महेन्द्र बहुमुखी क्याम्पसमा बिहीबार ‘टक सिरिज’ कार्यक्रम सम्पन्न भएको छ ।
कार्यक्रममा नरेन्द्रप्रसाद लिम्बूले वास्तविक जीवनमा गणितको उपयोग, नरबहादुर तामाङले पाई र जम्बु शेर्पाले गणित शिक्षणमा समस्या र समाधान विषयमा प्रस्तुतीकरण प्रस्तुत गरेका थिए ।
त्यस क्रममा सहभागी विद्यार्थीहरूका तर्पmबाट केन्द्रीय प्रविधि क्याम्पसमा बीएससी चौथो वर्षका छात्र भुवन पौडेल र बीएड दोस्रो वर्षकी छात्रा विनीता लिम्बूले अनूभुति मन्तव्य राखेका थिए ।
नेपाल गणित समाजको कोशी प्रदेश समिति र महेन्द्र बहुमुखी क्याम्पसको गणित तथा भूगोल विभागले संयुक्त रूपमा आयोजना गरेको कार्यक्रमको अध्यक्षता महेन्द्र क्याम्पसको गणित तथा भूगोल विभागका विभागीय अध्यक्ष सहप्राध्यापक गणेशकुमार कार्कीले गरेका थिए ।
क्याम्पस प्रमुख सहप्राध्यापक चन्द्रकुमार राईको प्रमुख आतिथ्यमा सम्पन्न सो कार्यक्रमको सञ्चालन गणित समाजका कोशी प्रदेश सचिव बद्री तामाङले गरेका थिए ।
कार्यक्रममा समाजका कोशी प्रदेश सदस्य चूडामणि भट्टराईले स्वागत मन्तव्य व्यक्त गरेका थिए भने केन्द्रीय प्रविधि क्याम्पसबाट बलभद्र भण्डारी र सम्पूर्ण विद्यालयहरूका तर्पmबाट भरत शाक्यले शुभकामना मन्तव्य व्यक्त गरेका थिए ।
समाजका कोशी प्रदेश सहसचिव विक्रम राईले सहयोगी र सहभागी सबैलाई धन्यवाद दिएका थिए ।