_1693980289.gif "#")
धरान/ धरानमा शुरु भएको २४ औं बुढासुब्बा गोल्डकपको दोस्रो दिनको खेलबाट विभागीय टिम आर्मी लाई हराउदै एनआरटी फुटबल क्लब काठमाण्डौ सेमी फाइनलमा प्रवेश गरेको छ ।
आइतबार धरान १६ स्थित रंगशालामा शुरु भएको प्रतियोगिताको दोस्रोे खेलमा एनआरटीले विभागीय टिम त्रिभुवन आर्मी क्लबवलाई २–१ को अन्तरले जित निकाल्दै सेमी फाइनलको यात्रा तय गरेको छ ।
अत्यन्तै प्रतिष्पर्धात्मक खेलको पहिलो हाफको सुरुवाती ५ औ मिनेटमा आर्मिका मान बहादुर आलेमगरले गोल गर्दै टिमलाई अग्रता दिलाए !
खेलको १४ औ मिनेटमा एनआरटीका शिशिर लेखीले गोल गर्दै खेललाई बराबरीमा ल्याए !
खेलको पहिलो हाफमा १-१ को बराबरी खेलेका थिए ! दोस्रो हाफमा आक्रमक रुपमा प्रस्तुत भएको एनआरटीका लागि खेलको ६० औ मिनेटमा ओफिज ओलावाको निर्णयक गोलले एनआरटीले अन्तिम चारमा स्थान सुरक्षित गर्यो !
खेलको म्यानअफ दि म्याच एनआरटीका शिशिर लेखी घोसित हुँदै नगद १० हजार पाए !
भोली सोमबारको खेल सर्बाधिक बिजेता नेपाल पुलिस क्लब र मोरङ फुट्बल असोशियसनबिच हुने आयोजकले जनाएको छ !
चैत्र ३ गतेसम्म सन्चालन हुने प्रतियोगितामा विजेताले ट्रफीसहित नगद १० लाश र उपविजेताले नगद ५ लाख पुरस्कार पाउनेछ ।
