धरान /पानबारी सतवार्षिक उत्सवको अवसरमा आयोजित ‘छैठौ पानवारी भलिवल कप २०८० को आज दोश्रो दिन जारी खेलमा कोशी प्रदेश भलिवब ट्रेनिङ सेन्टर दमक र सतिसाले स्पोटिङ क्कब मोरंग वीच भएको छ ।
सयपत्री व्याइज युनियन क्लबको आयोजना र ६ नम्बर वडा कार्यालयको संयोजनमा भएको खेलमा कोशी प्रदेश भलिवल टे«निङ सेन्टर दमकले ३–२ अन्तरले जित हासिल गर्न सफल भएको छ ।
आयोजक क्लबका महासचिव केदार वस्नेतले दिएको जानकारी अनुसार खेलको पहिलो सेटमा दमकले २५–२३ गोल अन्तरले अग्रता लिएको थियो भने दोश्रो सेटमा १८–२५ गोल अन्तरले अग्रता गुमाएको थियो ।
खेलको तेश्रो सेटमा भने पुनः २५–८ गोलको अन्तरले दमकले अग्रता लिएर चौथो सेटमा पनि १९–२५ को अन्तरले अग्रता गमाएको थियो ।
अन्तिम सेटको खेलमा भने १५–१३ गोल अन्तर दमकले विजयी हासिल गरेको हो ।
खेल अवधिभरीको म्यान अफ द म्याच सतिसाले स्र्पोटिङ क्लब मोरङका उमेश राई भए । उनले नगद २ हजार पाँच सय रुपैयाँले पुरस्कृत भएका छन् ।
क्लबका महा सचिव वस्नेतका अनुसार भोली(सोमबार) को खेल भने बेलबारी नगरपालिका र कोशी प्रदेश प्रहरी ट्रेनिङ सेन्टर रानी,मोरङ बीच हुने जनाइएको छ ।
शनिबार उदघाटन सत्रको पहिलो दिन भएको खेलमा आयोजक सयपत्री व्वाइज युनियन क्लब पानवारी र धरान उपमहानगरपालिकावीच भएको थियो भने ३–१ गोल अन्तरले आयोजक टिम विजयी भएको थियो ।
प्रतियोगिताको विजेताले ३५ तोला चादीको ट्रफी र नगद १ लाख पुरस्कार पाउनेछ भने उपविजेताले ५० हजार नगद पुरस्कार पाउनेछ ।
सर्वोत्कृष्ट खेलाडीलाई नगद ३० हजार पुरस्कार दिइनेछ भने अन्य व्यक्तिगत विधामा उत्कृष्ट घोषित खेलाडीले जनही १५ हजार पाउनेछन् ।
सतवार्षिकको अवसरमा शनिबारदेखि धरान ६ पानवारीमा महोत्सव पनि जारी रहेको छ ।
महोत्सव संयोजक न्यौपानेका अनुसार महोत्सव यही चैत २ गते सम्म सञ्चालन हुने ।
महोत्सव स्थलमा रस्सीतान, रोटेपिङ, ड्रागन, नाउ जस्ता मनोरञ्जनका साधनहरु पनि छन् भने प्रत्येक साँझ सांगीतिक कार्यक्रम पनि हुनेछ ।
आज साँझ चर्चित गायक कमल खत्रीको प्रस्तुती रहने आयोजक सयपत्री ब्वाइज युनियन क्लबले जानकारी दिएको छ ।
पानबारीको कृषिजन्य स्थानीय उत्पादन, सहुलियत बजार पनि रहेको छ ।