_1693980289.gif "#")
वराहक्षेत्र/ सुनसरीको वराहक्षेत्र नगरपालिकामा दादुरा( रुवेला रोग विरुद्धको खोप अभियान बुधबारवाट सुरु हुने भएको छ ।
नगरपालिका भित्र रहेका ९ महिना देखि ५ वर्ष मुनी उमेर समुहका २४ हजार बालबालिकाहरुलाई खोप लगाइने छ ।
वराहक्षेत्र नगरपालिकाको स्वास्थ्य शाखामार्फत ११ वटा वडामा खोप अभियान संचालन हुनेछ । खोप अभियानमा नगरपालिकाका मातहतका स्वास्थ्यकर्मीहरु,
स्वंमसेवकहरुले खोप लगाउने छन् । ११ वटा वडामा १ सय १९ वटा खोप केन्द्रबाट खोप अभियान संचालन हुने नगर स्वास्थ्य शाखाका जनस्वास्थ्य निरिक्षक उमेश मेहताले बताए ।
खोपको सञ्चालन , व्यवस्थापन लगाएका बिषयमा जनप्रतिनिधि र स्वास्थ्यकर्मीहरुबिच सोमवार पालिका स्तरीय अभिमुखीकरण कार्यक्रम सम्पन्न भएन भएको छ ।
कार्यक्रममा नगर प्रमुख रमेश कार्कीले राष्ट्रिय अभियानमा वराहक्षेत्र नगरपालिकाका सबै बालबालिकाहरुले प्राप्त गरेको अवसरलाई कोहि पनि बालबालिकाहरु नछुट्ने गरी खोप कार्यक्रम संचालन गर्न निर्देशन दिए ।
खोप अभियानको निरन्तर अनुमगन, समन्वय र सहकार्य गर्ने र बालबालिकाहरुमा शत प्रतिशत खोप लगाउन नगर प्रमुख कार्कीले अनुरोध गरे ।
दादुरा( रुवेला खोपबाट केहि वर्ष अघिसम्म धेरै बालबालिकाहरुको निधन हुने गरेको बताउँदै नगर स्वास्थ्य शाखाका जनस्वास्थ्य निरिक्षक उमेश मेहताले एक जनालाई लागेको दादुरा रुवेला खोपबाट १८ जनालाई सर्ने रोग नियन्त्रण र ब्यवस्थापनका लागि खोप अनिवार्य भएको बताए ।
‘बालबालिकाहरुलाई दादुरा रुवेला जस्तो प्राणघातक सरुवा रोगबाट संक्रमण हुन नदिन, शिशु र बाल मृत्युदर कम गर्न तथा विश्वमै नेपालबाट दादुरा रुवेला रोग सन् २०२६ सम्म अन्त्य गर्ने गरी सबै बालबालिकाहरुलाई नछुटाईकन खोप अभियान संचालन गर्ने गरी ब्यवस्थापन गरिएको उनले बताए ।
