वराहक्षेत्र/ वराहक्षेत्र नगरपालिका वडा नं २ चतरामा रहेको चतरा सामुदायिक बहुउदेश्यीय सहकारी संस्थाले पशुपालन कृषकहरुलाई एक दिने कृषक अभिमुखिकरण कार्यक्रम आयोजना गरेको छ ।
सहकारीले ग्रीन फिड इण्डष्ट्रिज प्रालिसंगको प्राबिधिक सहयोगमा उक्त अभिमुखिकरण कार्यक्रम आयोजना गरेको हो ।
व्यवसायिक रुपमा पशुपालन गरि नियमित दूध उत्पादन गरी बिक्र गर्दै आएका कृषकलाई आहार व्यवस्थापन
पशुपालन व्यवस्थापन , मल मुत्र व्यवस्थापन , महामारी रोग ,
उपचार विधि , कृषि अनुदान लगाएको बिषयमा जानकारी दिइएको चतरा सामुदायिक बहुउदेश्यीय सहकारी संस्थाकि अध्यक्ष सीता भण्डारी पौडेलले बताईन् ।
एक दिने कृषक अभिमुखिकरण कार्यक्रममा नेपाल सरकारले दुध उत्पादन कृषकलाई दिदै आएको प्रति लिटरमा २ रुपैया अनुदार रकम बारे जानकारी र प्राप्त गर्ने माध्यम बारेमा समेत सहजिकरण गरिएको चतरा सामुदायिक बहुउदेश्यीय सहकारी संस्थाका व्यवस्थापक बाबुराम खत्रीले जानकारी दिए ।
कृषकहरुलाइ पशु चिकित्सक राकेश कुमार यादब , वराहक्षेत्र नगरपालिका पशु सेवा शाखाका पशु प्राबिधिक मेघराज बस्नेत
ग्रीन फिड इण्डष्ट्रिज प्रालिसंगको प्राबिधिकहरुले सहजिकरण गरेका थिए ।
चतरा सामुदायिक बहुउदेश्यीय सहकारी संस्थाकि अध्यक्ष सीता भण्डारी पौडेलको सभाध्यक्षतामा आयोजना भएको उक्त अभिमुखिकरण कार्यक्रममा वराहक्षेत्र नगरपालिका वडा नं २ का अध्यक्ष होमप्रसाद गौतम प्रमुख अतिथि रहेका थिए । कार्यक्रममा सहकारीका व्यवस्थापक बाबुराम खत्री ,
उपध्यक्ष दिपक कार्की , आदर्श माबिका पुर्ब प्रध्यनाध्यापक तथा सहकारीका प्रशिक्षक ज्ञाननहादुर पाण्डे लगाएत अतिथि रहेका थिए ।
अभिमुखिकरण कार्यक्रममा नियमित दुध उत्पादन गरि बिक्रि गर्दै आएका पशुपालन कृषकहरुको सहभागिता रहेको थियो ।