धरान/ निर्वाचन आयोगले ०८१ वैशाख १५ गते इलाम क्षेत्र नम्बर २ मा उपनिर्वाचन गर्ने घोषणा गरेको छ।
नेपाल सरकारसँगको परामर्शमा निर्वाचन आयोगले उपनिर्वाचन मिति घोषणा गरेको हो।
आयोगका सहायक प्रवक्ता थानेश्वर भुसालले २०८१ वैशाख १५ गते शनिबार इलाम मा उपनिर्वाचन गर्ने निर्णय भएको जानकारी दिए।
इलाम क्षेत्र नम्बर २ मा प्रतिनिधि सभा सदस्य रिक्त छ।
०७९ मंसिरमा भएको चुनावमा त्यस क्षेत्रबाट नेकपा (एमाले) का उम्मेदवार सुवासचन्द्र नेम्वाङ विजयी भएका थिए।
नेम्वाङको गत भदौ २६ गते निधन भएपछि यो क्षेत्र खाली छ।
