_1693980289.gif "#")
धरान/ १२ औ सस्करणको धरान १०–के रन प्रतियोगितामा पुरुषतर्फ केन्याका जुलियस मुरिउकी र महिलातर्फ बिभागीय टिम सशस्त्र प्रहरीकी सन्तोषी श्रेष्ठ च्याम्पियन बनेका छन ।
निर्धारित १० किलोमिटरको दुरी ३२ मिनेट ५० सेकेन्डमा पुरा गर्दै प्रथम बनेका मुरिउकीले नगद ६० हजार रुपैयासहित मेडल, प्रमाणपत्र हात पारे !
प्रतियोगितामा दोस्रो बनेका प्रशान्त तमाङले ३४ मिनेटमा र तेस्रो बनेका पवन राईले ३४ मिनेट ११ सेकेन्डमा पुरा गरेका थिए । उनिहरुले क्रमस नगद ४० हजार र ३० हजारसहित मेडल, प्रमाण पत्र प्राप्त गरे !
महिलातर्फ ३८ मिनेट ८ सेकेन्डमा दौड पुरा गर्दै प्रथम बनेकी श्रेष्ठले नगद ६० हजारसहित मेडल, प्रमाणपत्र हात पारिन् ।
उनी दक्षिण एसियाली म्याराथनकी स्वर्ण पदक विजेता र पोखरा अन्तर्राष्ट्रिय हाफ म्याराथनकी विजेता समेत् हुन ।
प्रतियोगितामा दोस्रो बनेकी छेन्बीमाया राईले ४४ मिनेट २ सेकेन्ड र तेस्रो बनेकी ईन्द्रकला नेम्बाङले ४५ मिनेट २८ सेकेन्ड मा पुरा गर्दै क्रमस नगद ४० र ३० हजारसहित मेडल, प्रमाणपत्र प्राप्त गरिन !
१२ देखि १५ वर्ष उमेर समूहका धावकले महिला पुरुष दुवै विधामा जनही क्रमशः ७ हजार, ५ हजार र ३ हजार रुपैयाँ प्राप्त गरे । ४० वर्षमाथिका भेट्रान समूहमा दौडने महिला पुरुष दुवैले जनही क्रमशः ७ हजार, ५ हजार र ३ हजार रुपैयाँ प्राप्त गरे ।
उनिहरुलाई कार्यक्रमका प्रमुख अतिथी धरानका मेयर हर्क साम्पाङ, धरान रन समुहका अध्यक्ष रमु राईले गद तथा मेडल, प्रमाण पत्र प्रदान गरेका थिए ! टाइमिङ चिप सिस्टममा करिब ४ हजार धावक–धाबिकाहरु सहभागि रहेका थिए ।
