_1693980289.gif "#")
धरान/ साहसिक खेल साइकिलिङको प्रवद्र्धन गर्ने उद्देश्यले रोटरी क्लब धरानले सोमबार साइकलिङ दौड प्रतियोगिताको आयोजना गर्दैछ ।
धरानमा साहसिक खेल साइकलिङको प्रवद्र्धन गर्ने उद्देश्यले क्लबले फागुन ७ गते सोमबार प्रतियोगिताको आयोजना गर्ने आयोजकले पत्रकार सम्मेलनको आयोजना गरी जानकारी गराइएको छ ।
संयोजक विनयलाल श्रेष्ठले संयोजनको भूमिका निर्वाह गर्दै गत बर्ष कोरा राइड च्यालेन्ज प्रतियागिता आयोजना गरिएसँगै प्रतियोगितालाई निरन्तता दिन यस बर्ष रोटरी क्लब धरानको व्यानरमा आयोजना गर्न लागिएको हो ।
धरानका आधारभूत विद्यालयलाई सहयोग गर्ने उद्देश्यले आयोजित प्रतियोगिता राष्ट्रिय स्तरको प्रतियोगिता रहने आयोजक संस्थाका अध्यक्ष शिवनन्द साहले बताए ।
उनका अनुसार यस बर्ष आयोजना गरिने प्रतियोगिताबाट उठेको रकमले धरान १५ खोरिया बस्तीमा रहेको जनता आधारभूत विद्यालयमा १ लाख बराबरको केटाकेटीले खेल्ने पिङ, चिप्लेटी लगायतका खेल स्थल निर्माण गरिदिने बताए । उनले प्रत्येक बर्ष आयोजना गदै जाने र उठेको रकमले यसरी नै सहयोग गर्दै जाने बताए ।
प्रतियोगिताको सम्पूर्ण संयोजनको भूमिका विनयलाल श्रेष्ठले गर्नेछन् । उनल सो अवसरमा प्रतियोगिताको बारे जानकारी दिएका छन् ।
उनका प्रतियोगिले १६ किमी दूरी तय गर्नुपर्ने हुन्छ । धरानको भानुचौकबाट साइकल दौड शुरु भई धरान १५ खोरिया वस्तीमा रहेको आधारभूत विद्यालयमा सम्पन्न हुनेछ ।
रोटरी साइलो फन नामक आयोजित प्रतियोगितामा १ सय जना स्थानीय तथा राष्ट्रिय खेलाडीहरुले सहभागिता जनाउने उनले जानकारी दिए ।
‘बालबालिकालाई शिक्षा’ नाराका साथ सञ्चालन भएको सो प्रतियागितामा स–साना बालबालिकाको प्रोत्साहनको लागि सोही प्रतियोगितामा ७ किमी दूरीको प्र्रतिष्पर्धा समेत गराइने आयोजले जनाएको छ ।
प्रतियोगितामा प्रथम हुने खेलाडीले २० हजार, दोस्रो हुनेले १५ हजार, तेस्रो हुनेले १० हजारसहित मेडल र सर्फिफिकेट प्रदान गरिनेछ । यसैगरि महिलातर्फ ‘फास्टेड राइडर’ लाई ५ हजार र ‘मास्टर +४०’ लाई ५ हजार मेडल र सटिफिकेट प्रदान गरिने भएको छ ।
