_1693980289.gif "#")
- संगम विष्ट
वराहक्षेत्र/ सुनसरीको वराहक्षेत्र नगरपालिकाले अपाङ्गता रोकथाम तथा पुनरस्थापनाको लागि गर्दै आएको काम , योजना र कार्यक्रमहरुको अध्ययनकालागि कंग्गो , तान्जेनिया , नेदरल्याण्ड र केन्याका अपाङ्गताको क्षेत्रमा काम गर्दै आएका प्रतिनिधिहरु आएका छन् ।
अपाङ्गताको क्षेत्रमा काम गर्दै आईरहेको अन्तराष्ट्रिय गैर सरकारी संस्था करुणा फाउण्डेशन मार्फत चार देशबाट पाच जना प्रतिनिधिहरु वराहक्षेत्र आएका हुन् ।
करुणा फाउण्डेसनमार्फत नेदरल्याण्डबाट रेनी बियोडेशन , तेन्जिनियाबाट एग्नीस , जेवेश मडमी , कंङ्गोबाट किरुदरा जेम्स र केन्याबाट एन्डफेन आएर अध्ययन , अवलोकन तथा सिकाईकालागि आएको सामाजिक बिकाश साखाका प्रमुख अरुण मेहताले बताए ।
उनिहरुले नगरपालिकाले अपाङ्गता क्षेत्रमा गर्दै गरेको कामको अबलोकन , अध्ययन , स्थलगत अबलोकनसंगै नगर प्रमुख रमेश कार्की , उप-प्रमुख नन्दकुमारी सुनुवार , प्रमुख प्रशासकीय अधिकृत देबेन्द्रबहादुर मल्ल तथा अपाङ्गताको क्षेत्रमा काम गर्ने नगरपालिकाका प्रतिनिधिहरुसंग छलफल र अन्तर्क्रिया समेत गरेको नगरपालिकाका सामाजिक बिकास शाखाका प्रमुख अरुण मेहताले जानकारी दिए ।
नेदरल्याण्डबाट रेनी बियोडेशन , तेन्जिनियाबाट एग्नीस , जेवेश मडमी , कंङ्गोबाट किरुदरा जेम्स र केन्याबाट एन्डफेनले वराहक्षेत्र नगरपालिकाले अपाङ्गता रोकथाम तथा पुनरस्थापनाको लागि गर्दै आएको काम ,
योजना र कार्यक्रमहरुहरु अध्ययन गरेर आफ्नो देशमा अपाङ्गता रोकथाम र पुनरस्थापनामा काम गर्ने करुणा फाउण्डेशनका बरिष्ट व्यस्थापक कमल कोइरलाले जानकारी दिए ।
नगरपालिकाले अपाङ्गता रोकथाम तथा पनरस्थापनाकालागि सहकारी सञ्चालन , समूह गठन ,
सहयोग , उपचार , अपाङ्गता सहयोग सामाग्री बितरण , पहिलो काड प्राप्त गरेका अपाङ्गता भएका मानिसहरुलाई सामाजिक सुरक्षा भत्ता प्रदान लगाएका कामहरु गर्दै आएको र यसैलाई उनिहरुको देशमा अध्ययन गरेर काम गर्न वराहक्षेत्र अध्ययन ,
अवलोकन र सिकाईकालागि आएको करुणा फाउण्डेसका सुनसरी प्रकुख भारती देवले बताईन् ।
