वराहक्षेत्र/ वराहक्षेत्र नगरपालिकामा जारी दोस्रो संस्करणको वडा स्तरीय वराहक्षेत्र मेयर लिग कप रनिङ्ग शिल्ड फुटबल प्रतियोगिता अन्तर्गत वडा नं १ फाइनलमा प्रवेश गरेको छ ।
सोमवार भएको पहिलो सेमिफाइनल खेलमा वडा नं ३ लाई शून्यका विरुद्ध तिन गोलको अन्तरले पराजित गर्दै वडा नं १ फाइनलमा प्रवेश गरेको हो ।
खेलमा वडा नं १ का लागि पहिलो हापको थपिएको अतिरिक्त समयमा प्रसान्त राई, छेमेहाङ राई र दोस्रो हापको ३० औ मिनेटमा पुनः छेमेहाङ्ग राईले गोल गरेका थिए ।
खेलमा उत्कृष्ट प्रदर्शन गर्दै दुई गोल गरेका वडा नं १ का छेमेहाङ्ग राई म्यान अफ द म्याच घोषित भए ।
उनले नगद दुई हजार एक सय सहित ट्रफी हात पारेका थिए । प्रतियोगिता अन्तर्गत मंगलबार अन्तिम सेमिफाइनल खेल समूह ‘ख’को विजेता वडा नं ५ र समूह ‘क’ को उपविजेता वडा नं ७ का बिच हुनेछ ।
वडा नं.७ देबिघाट स्थिति वसन्त ऋतु माध्यमिक विद्यालयको खेलमैदानमा जारी प्रतियोगिता वराहक्षेत्र नगरपालिका नगर खेलकुद विकास समितिको आयोजनामा सञ्चालन भएको हो । प्रतियोगितामा खेलकुद हाम्रो सान खेलाडी उत्पादन गर्ने हाम्रो अभियान नारा दिईएको छ