_1693980289.gif "#")
धरान/ वेलायतकै तेस्रो ठुलो नागरिक सम्मान मेम्वर अफ मोस्ट एक्सिलेन्स अर्डर अफ द व्रिटिस एम्पायर (एमविइ) पदवीवाट धरान १५ चेमजोङ पथ निवासी पुर्व व्रिटिस गोर्खा सैनिक सुवास राई सम्मानित हुने भएका छन् ।
उनलाई वेलायतको वकिमहम प्यालेसमा वेलायतका राजा चाल्र्स तृतियको हातवाट मेडल प्रदान गरेर सम्मान गर्न लागेको हो । यो वेलायतले विशिष्ट व्यक्तित्वहरुलाई मात्र दिइने सम्मानित पदवी हो ।
वेलायत आर्मि हुँदा र अवकास पछि पनि वेलायत सरकारको सहयोग र सामाजिक कार्यमा सकृय हुदै विशेष योगदान दिए वापत राईलाई सम्मान गर्न लागिएको छ । इङ्गल्याण्ड फुटवलर डेभिड व्याक्ह्याम, महिला गोलकिपर मेरि इयर्पस लगायत यो पदवीले सम्मानित भइसकेका छन ।
४८ वर्षिय सुवास राई रिटायर्ड विट्रिस आर्मी हुन । धरानवाट सन १९९६ मा २१ वर्षको उमेरमा व्रिटिस सेनामा भर्ति भएका उनी १८ वर्ष सम्म वेलायत सरकारको सेवा गरि २०१४ मा रिटार्यड भएका थिए । राई अहिले पनि समस्यामा परेका पुर्व व्रिटिस गोर्खा सैनिकहरुलाई सहयोग गर्दै आइरहेका छन ।
जागिर वाट रिटायर्ड भएपछि राई समाजिक कार्य संगै राजनितिमा पनि सक्रिय छन । हाल उनि नेपाली कांग्रेसका महासमिति सदस्य समेत हुन ।
उनकै पहलमा वेलायतका विशेष व्रिटिस गोर्खा विग्रेड व्याण्डले गत साल धरान १० के रनमा व्याण्ड प्रर्दशन गरेका थिए ।
सोहि समयमा व्याण्डले धरान रंगशालामा पुर्व व्रिटिस गोर्खा सैनिकलाई समेत प्रर्दशन गरिएको थियो । यो पटक पनि धरान १० के रनमा र डिपो स्कुलमा पुर्व व्रिटिस गोर्खा सैनिकहरुलाई व्रिटिस गोर्खा विग्रेड व्याण्डले प्रदर्शन गर्नेछ ।
व्रिटिस गोर्खा विग्रेड व्याण्डले वेलायतको विशेष समारोहमा मात्र व्याण्ड प्रर्दशन गर्ने गर्दछ ।
