_1693980289.gif "#")
धरान/ तामाङ जातिको पहिचान, संस्कार, संस्कृति तथा पर्वलाई संरक्षण गर्दै नेपाल तामाङ घेदुङ धरान नगर समितिको आयोजनामा ‘सोनाम ल्होसार पर्व’ शनिबार देखि धरानमा शुरु भएको छ ।
नेपाल तामाङ घेदुङ धरान उपमहानगर कार्यसमितिको आयोजनामा धरान १२ स्थित पब्लिक उच्च माविको खेलमैदानमा २८६० सोनाम ल्होसारको अवसरमा बृहत् सांस्कृतिक महोत्सव सुरू गरेको हो ।
फागुन ५ गते सम्म चल्ने महोत्सवको पहिलो दिन धरानका तामाङ जातिहरू जातीय पोसाक पहिरन, परम्परागत डम्फु बजाउँदै र्याली झाँकी सहितको प्रदर्शन गरेका थिए ।
तामाङ जातिहरूको २८६० नयाँ वर्षको अवसरमा महोत्सवले तामाङको ऐतिहासिक परम्पराको संरक्षण गर्दै आन्तरिक तथा बाह्य पर्यटन प्रवद्र्धन गर्ने आयोजकका अध्यक्ष सपन कुमार तामाङ योञ्जनले बताए । महोत्सवले धरानको आर्थिक गतिविधि चलायमान बनाउन महत्वपूर्ण भूमिका खेल्ने अध्यक्ष तामाङले बताए ।
महोत्सवमा पर्यटन प्रवद्र्धनका लागि बृहत् फोटो पेन्टिङ प्रदर्शनी गरिएको छ ।
महोत्सवमा ८० वटा स्टलहरूमा तामाङ जातिको संस्कार संस्कृति झल्किने मौलिक खानेकुरा परिकार रहनुका साथै स्थानीय उत्पादित बस्तुहरू रहेको महोत्सव संयोजक दीपक घिसिङले बताए ।
उनले भने ‘महोत्सवमा बिशेषगरि तामाङ जातीको डम्फु नाच सहित हरेक साँझ धरानका स्थानीय कलाकार तथा राष्ट्रिय चर्चित कलाकारहरले प्रस्तुती रहने छ ।’
