_1693980289.gif "#")
- संगम विष्ट
वराहक्षेत्र/ वराहक्षेत्र नगरपालिकामा जारी दोस्रो संस्करणको वडा स्तरीय वराहक्षेत्र मेयर लिग कप रनिङ्ग शिल्ड फुटबल प्रतियोगिता अन्तर्गत आइतबार भएको पहिलो खेलमा वडा नं ९ बिजयी भएको छ । वडा नं ९ ले वडा नं ४ लाई शुन्यका बिरुद्ब ६ गोलको अन्तरले पराजित गरेको थियो ।
दुई खेलमा लगातार जित निकाल्लेको वडा नं ९ ले प्रतियोगितामा ६ अंङ्क जोडेको छ । त्यस्तै दुई खेलमा पराजित बनेको वडा नं ४ ले अङ्क जोड्न सकेको छैन ।
खेलमा उत्कृष्ट प्रदशन गर्दै दुई गोल गरेका वडा नं ९ का सुरेशकुमार लिम्बु म्यान अफ द म्याच घोषित भए । उनले नगद २ हजार १ सय सहित ट्रफि प्राप्त गरेका थिए ।
त्यस्तै आइतबारनै भएको दोस्रो खेलमा वडा नं। १० विजयी भएको छ ।
वडा नं १० ले वडा नं ११ लाई शुन्यका बिरुद्ब पाच गोलको अन्तरले पराजित गरेको थियो ।
दुई खेलमा एक खेलमा पराजित र एक खेलमा बिजयी बनेको वडा नं १० ले प्रतियोगितामा ३ अङ्क जोड्न सफल भएको छ ।
भने लगातार दुई खेलमा पराजित बनेको वडा नं ११ ले अङ्क जोड्न सकेको छैन ।
खेलमा २ गोल गरेका वडा नं १० का श्यामकुमार उराँब म्यान अफ द म्याच घोषित भए । उनले नगद २ हजार १ सय सहित ट्रफि प्राप्त गरेका थिए ।
वराहक्षेत्र नगरपालिकामा पहिलो पटक गत बर्षदेखि लिग फर्म्याटमा सुरु भएको प्रतियोगितामा सोमबार पहिलो खेल वडा नं ३ र वडा नं ८ तथा दोस्रो खेल वडा नं १ र वडा नं ५ का बिच हुनेछ । नगर खेलकुद विकास समितिको आयोजनामा वराहक्षेत्र नगरपालिका वडा नं।
७ देबिघाट स्थिति वसन्त ऋतु माध्यमिक विद्यालयको खेलमैदानमा जारि प्रतियोगिताको खेलकुद हाम्रो सान खेलाडी उत्पादन गर्ने हाम्रो अभियान भन्ने नारा दिएको छ ।
