_1693980289.gif "#")
वराहक्षेत्र/ वराहक्षेत्र नगरपालिकामा जारी दोस्रो संस्करणको वडा स्तरीय वराहक्षेत्र मेयर लिग कप रनिङ्ग शिल्ड फुटबल प्रतियोगिता अन्तर्गत शनिबार वडा नं ६ र वडा नं ७ को बिच भएको पहिलो खेल बराबरीमा टुङ्गिएको छ ।
दुवै टिमबाट निर्धारित र अतिरिक्त समयमा एक– एक गोल भए पछि दुबै टिमले १–१ अङ्क बाँडेका थिए । प्रतियोगितामा दुई खेलमा एक खेलमा पराजित र एक खेलमा बराबरी खेलेको वडा नं ६ ले १ अंङ्क जोडेको छ ।
त्यस्तै दुई खेलमा एउटा खेलमा जित र एउटा खेलमा वराबरी खेलेको वडा नं ७ ले प्रतियोगितामा ४ अङ्क जोडेको छ । खेलमा उत्कृष्ट प्रदशन गरेका वडा नं ६ का गोल रक्षक आयुव बजगाई म्यान अफ द म्याच घोषित भए । उनले नगद २ हजार १ सय सहित ट्रफि प्राप्त गरेका थिए ।
त्यस्तै शनिबारनै भएको दोस्रो खेलमा वडा नं. ५ विजयी भएको छ ।
वडा नं २ लाई शुन्यका बिरुद्ध तिन गोलको अन्तरले पराजित गर्दै वडा नं ५ प्रतियोगितामा लगातार दुई जित दर्ता गराएको हो ।
लगातार दुई खेल जितेको वडा नं ५ ले प्रतियोगितामा ६ अङ्क जोड्न सफल बनेको छ ।
भन्ने लगातार दुई खेलमा पराजित बनेको वडा नं २ ले अङ्क जोड्न सकेको छैन । खेलमा १ गोल गरेका वडा नं ५ का अर्जुन कुवर म्यान अफ द म्याच घोषित भए । उनले नगद २ हजार १ सय सहित ट्रफि प्राप्त गरेका थिए ।
वराहक्षेत्र नगरपालिकामा पहिलो पटक गत बर्षदेखि लिग फर्म्याटमा सुरु भएको प्रतियोगितामा आइतबार पहिलो खेल वडा नं ४ र वडा नं ९ तथा दोस्रो खेल वडा नं १० र वडा नं ११ का बिच हुनेछ ।
नगर खेलकुद विकास समितिको आयोजनामा वराहक्षेत्र नगरपालिका वडा नं.७ देबिघाट स्थिति वसन्त ऋतु माध्यमिक विद्यालयको खेलमैदानमा जारि प्रतियोगिताको खेलकुद हाम्रो सान खेलाडी उत्पादन गर्ने हाम्रो अभियान भन्ने नारा दिएको छ ।
