वराहक्षेत्र/ वराहक्षेत्र नगरपालिकामा जारी दोस्रो संस्करणको वडा स्तरीय वराहक्षेत्र मेयर लिग कप रनिङ्ग शिल्ड फुटबल प्रतियोगिता अन्तरगत बुधबार भएको पहिलो खेलमा वडा नं ३ बिजयी भएको छ ।
वडा नं ६ लाई शुन्यका बिरुद्ब दुई गोलले पराजित गर्दै वडा नं ३ ले प्रतियोगितामा तीन अंक जोड्न सफल भएको छ । खेलमा १ गोल गरेका वडा नं ३ का क्याप्टेन रोशन भुजेल म्यान अफ द म्याच घोषित भए । उनले नगद २ हजार १ सय सहित ट्रफि प्राप्त गरेका थिए ।
त्यस्तै बुधबार नै भएको दोस्रो खेलमा वडा नं.१ विजयी भएको छ । वडा नं २ लाई दुइका विरुद्ध तिन गोलले पराजित गर्दै वडा नं १ ले प्रतियोगितामा ३ अंक जोड्न सफल बनेको छ । खेलमा २ गोल गरेका वडा नं १ का अभिषेक श्रेष्ठ म्यान अफ द म्याच घोषित भए ।
उनले नगद २ हजार १ सय सहित ट्रफि प्राप्त गरेका थिए ।
वराहक्षेत्र नगरपालिकामा पहिलो पटक गत बर्षदेखि लिग फम्र्याटमा सुरु भएको प्रतियोगितामा बिहिबार पहिलो खेल वडा नं ८ र वडा नं ९ तथा दोस्रो खेल वडा नं ५ र वडा नं १० का बिच हुनेछ ।
नगर खेलकुद विकास समितिको आयोजनामा वराहक्षेत्र नगरपालिका वडा नं.७ देबिघाट स्थित वसन्त ऋतु माध्यमिक विद्यालयको खेलमैदानमा जारि प्रतियोगिताको खेलकुद हाम्रो सान खेलाडी उत्पादन गर्ने हाम्रो अभियान भन्ने नारा दिएको छ ।