मोरङ / प्रधानमन्त्री पुष्पकमल दाहाल (प्रचण्ड) ले मोरङको गोठगाउको मेडिकल कलेज चाँडै सञ्चालनमा आउने आश्वासन दिएका छन् ।
पूर्वाञ्चल विश्व विद्यालयको ११ औं दिक्षान्त समारोहलाई सम्बोधन गर्दै प्रधानमन्त्री दाहालले विश्वविद्यालय सञ्चालन चाडै हुने र यो विश्व विद्यालयले जीवन उपयोगी र प्रविधिमैत्री गुणस्तरीय शिक्षामा जोड दिनुपर्ने कुरामा जोड दिए ।
उनले भने‘शैक्षिक प्रतिष्ठान र विश्व विद्यालयले अध्ययन र अध्यापनसँगै अनुसन्धानको दायरलाई बढाएर अघि बढ्नुपर्छ ।
विश्वविद्यालयहरुलर्य सैद्धिान्तिक ज्ञान दिने थलोमात्र नबनाई विद्यार्थीहरुले जीवनोपयोगी र व्यवारिक ज्ञान तथा सिकाएर आत्मनिर्भर बनाउने खालका शिक्षा प्रदान गर्नुपर्ने प्रधानमन्त्री दाहालको आशय थियो ।
उनले भने विश्व विद्यालयलयहरुले अधययन अध्यापन मात्र हैन खोज तथा अनुसन्धान आविष्कार गर्न पनि नेतृत्वदायी भूमिका निर्वाह गर्नुपर्छ ।
उनले जनताको चाहनालाई प्राथमिकमा राखेर काम गर्र्न प्रतिबद्धता जनाए । उनले भने गोठगाउँमा चाँडै मेडिकल कलेज सञ्चालन होस भन्ने जन्ताको चाहनालाई स्रोत–साधन जुटाएर र कानूनी जटिलतालाई हटाएर मेडिकल कलेज सञ्चालन गर्न सरकार प्रतिबद्ध छ।
उनले २१ औ शताब्दीको आवश्यकता परिपूर्तिका लागि भएका स्रोत साधनको धेरैभन्दा धेरै प्रयोग गरी वैकल्पिक साधन स्रोतहरुको खोजी गरी विश्व विद्यालयलाई समुदाय स्तरसम्म पु¥याउनुपर्ने आवश्यकता रहेको बताए ।
सो अवसरमा ६ हजार ५सय १३ विद्यार्थी दीक्षित भएका छन् । कला संकायको स्नातकमा ९२, स्नाकोतरमा ४३, कानून संकायमा स्नातक १९९ र स्नाकोतरमा १०७,शिक्षाशास्त्र संकायमा स्नातक ३५४,स्नाकोतर १४८, व्यवस्थापन संकायमा स्नातक तहमा १ हजार २ सय ४२ र स्नातकोत्तरमा ६१४ विधार्थी दीक्षित भएका थिए ।
चिकित्साशास्त्रमा स्नातकमा २ हजार ३१४ विधार्थी दीक्षित भएका थिए । यसैगरि विज्ञान तथा प्रविधि संकायको स्नातक तहमा १ हजार २६१ र स्नातकोत्तरमा १२३ विद्यार्थी दीक्षित भएका थिए ।