सिम्रन र दिवस भए मिस एन्ड मिस्टर सगरमाथा

धरान/ मिस र मिस्टर सगरमाथाको उपाधि क्रमश सिम्रन लिम्बु र दिवस राईले जितेका छन् । धरान–३ स्थित सगरमाथा एसडी कलेज र डल्फिन पुर्वान्चल एकेडेमीले संयुक्तरूपमा आयोजना गरेको मिस र मिस्टर सगरमाथाको उपाधि लिम्बु र राईले हात पारेका हुन ्।

शनिबार शिक्षा सदन स्कुलको सभा हलमा सम्पन्न प्रतियोगितामा छात्र तर्फ अभय श्रेष्ठ र छात्रा तर्फ स्मृती योन्जन फष्ट रनर अप घोषित भए । यसैगरी छात्र तर्फ बेष्ट डिसिप्लिन सुदिप भुजेल, मस्ट एक्टिभ जीवन तामाङ र मोस्ट ट्यालेन्टको उपाधि निबेदन राईले पाए भने छात्रातर्फ बेस्ट डिसिप्लिन डोल्मा तामाङ, मस्ट एक्टिभ मेघा बिश्वकर्मा र मस्ट ट्यालेन्टको उपाधि सिम्रन लिम्बुले पाए ।

निबेदन राई र आकृती योन्जन बेस्ट कपल घोषित भएका थिए । गायन र नृत्य प्रतियोगितामा क्रमशः दिवस राई र सिम्रन लिम्बू विजेता बने । बिजेताले सगरमाथा एसडी कलेजमा अध्ययनको लागि ८० प्रतिशत छात्रवृत्ति प्राप्त गरेका छन् । यसैगरी फष्ट रनर अप बनेकाहरुलाई ५० प्रतिशत र सब टाईटल प्राप्त गर्नेलाई ३० प्रतिशत छात्रबृत्ति प्रदान गरिएको कलेजका प्रिन्सिपल सन्तोष राईले जानकारी दिए ।

विजेताहरुलाई प्रिन्सिपल राई, भाइस प्रिन्सिपल देवराज रेग्मी लगायतले ट्रफी, बुके र प्रमाण–पत्र प्रदान गरेका थिए । प्रतियोगिताको निर्णायकमा प्रतियोगिताको निर्णायकहरुमा सन्चारकर्मी विशाल रसिक राई, नृत्य निर्देशक बिक्रम शंकर र मिस स्टेट–१ का बिजेता रजनी तुम्सा लिम्बू रहेका थिए । कलेजका प्रिन्सिपल सन्तोष राईको अध्यक्षतामा भएको कार्यक्रममा प्रमुख अतिथि धरान उप–महानगरपालिका वडा नम्बर १५ का वडा अध्यक्ष नरेस इवारम रहेका थिए ।

कार्यक्रममा सगरमाथा रेसिडेन्सियल बोर्डिङ स्कुलका प्रिन्सिपल रमेस राई, प्यारिटी एजुकेसनका निर्देशक प्रमोद कटवाल र कलेजका भाईस प्रीन्सिपल देबराज रेग्मीले यस्ता कार्यक्रमले विद्यार्थीहरुको प्रतिभालाई निखार्ने काम गर्ने बताएका थिए । सो अवसरमा बिद्यार्थीहरुले आकर्षक गीत र नृत्य समेत प्रस्तुत गरेर मनोरञ्जन प्रदान गरेका थिए ।