धरान /हिउ पर्ने सिजन वित्न लाग्दा तेह्रथुम, संखुवासभा र ताप्लेजुङ जिल्लाको संगम स्थल तीनजुरेमा हिउ परेको छ । आइतबार साँझ यस क्षेत्रमा हिउँ परेसँगै सोमबार विहानैदेखि आन्तरिक पर्यटकहरु आएर हिउँ खेल्नेको संख्या ह्वात्तै बढेको छ ।
खासगरि गुराँस फुल्ने र हिउँ पर्ने सिजनमा पर्यटकको मुख्य रोजाईमा पर्र्दै आएको तीनजुरे, मिल्के र जलजले (टिएमजे) क्षेत्रमा यस बर्ष भने फागुनको दोस्रा्े सातामात्रै हिउँ पर्दा पनि पर्यटकहरु हिउँसँगै रमणीय दृश्यमा रमाएका छन् ।
विराटनगरकाबाट तीनजुरे क्षेत्रमा पुगेका कुमार वास्तोलाले पहिला नै आउने रहर हुँदा हुँदै पनि हिउँ नपरेकोले आउन नसकेको बताए । उनले भने–‘पहिला नै यो क्षेत्र आउने चाहना थियो, बर्षमा दुई पटक यो क्षेत्रमा आउँछु, एकपटक गुराँस फुल्ने समय चैत्र र्वैसाख, अर्को हिउँ पर्ने सिजन ।
तर यस बर्ष भने हिउँ ढिलो परेकाले ढिलै आएको बताए । परिवारसँगै पुगेका उनले परिवारसँग आएर हिउँ खेल्न पाउँदा अत्यन्तै रमाइलो हुने बताए ।हिउ परेसँगै पर्यटकको आगमन बढेपछि टिएमजे क्षेत्रका होटल व्यवसायको समेत चहलपहल बढेको छ ।
विगतका बर्षहरुमा चारदेखि चार पटकसम्म हिउँपर्ने गरेपनि यस बर्ष हिउँ पर्ने सिजनमा समेत हिउँ नपर्दा उनीहरु चिन्तित थिए । बसन्तपुर तेह्रथुमका स्थानीय मणिकुमार सुब्बाले हिउँ नपर्दा यो क्षेत्रमा पर्यटक नै नआएको बताए ।
उनले भने–‘हिउँ नपर्दा पर्यटक नै आएनन्, यहाँका होटलहरु समेत सुनसान थियो । तर आइतबार टिएमजे क्षेत्रमा परेको हिउका कारण पर्यटकहरुको बाक्लो उपस्थिति रहेको बताए ।गतब बर्ष पाँच पटक सम्म हिउँ परेको टिएमजे क्षेत्रमा यो बर्ष भने पहिलो पटक हिउँ परेको उनको भनाई छ ।
मंसिर अन्तिम सातादेखि फागुनको पहिलो साता हिउ पर्ने सिजन भएको बताउदै सुब्बाले यस बर्ष हिउँ समय वित्न लागेर पनि परेकोले हिउँ खेल्नेहरुको संख्या बढेको बताए । उनले भने–‘यो पालाचाहिँ ढिलो परेको भएर पर्यटक पनि ढिलो आए, हिउ खेल्नकै लागि यहाँ तराईका जिल्लाबाट अधिकांश सर्वसाधारण आउने गर्छन् ।
विगतमा लाली गुराँस नगरपालिका बसन्तपुरमा समेत हिउँ पर्ने भएपनि यस बर्ष भने गुफापोखरी, चौकी, मंगलबारे लगायतका स्थानहरुमा हिउ उनको भनाई छ ।