धनकुटा / विगतमा कोरोना संक्रमणका कारण धेरैले ज्यान गुमाए । आर्थिक अवस्था डामाडोल बन्यो । पुन ः त्यस्तै अवस्था आउन सक्ने भन्दै धनकुटाको पाख्रीबास नगरपालिकाले नगरबासीहरुलाई सचेत रहन आग्रह गरेको छ ।
विश्वव्यापी रुपमा फैलिएको कोरोना भाइरसको संक्रमण पछिल्लो समय छिमेकी देश भारत र चीनमा समेत बढ्दै गएको अवस्थामा पुन ः विगतकै अवस्था आउन सक्ने भन्दै समयमै सचेत रहन नगरबासीहरुलाई नगरपालिकाले सचेत गराएको हो ।
नगरपालिकाले कोरोना संक्रमणबाट बच्न बढी भिडभाड हुने स्थानहरुमा मास्क तथा सेनीटाइजरको प्रयोग गर्ने, एक अर्कामा भौतिक दुरी कायम राख्ने, व्यक्तिगत सरसफाई लगायत आवश्यक स्वास्थ्य प्रोटोकल पालना गर्ने लगायतका कुरा अपनाउन सूचना नै जारी गरेको छ ।
स्वास्थ्य शाखा प्रमुख बसन्त राज निरौला र निमित्त प्रमुख प्रशासकीय अधिकृत गोर्ख बहादुर तामाङ्द्वारा संयुक्त रुपमा जारी सुचनामा सचेत रहन आग्रह गरिएको छ ।