विराटनगर महानगरले निर्माण सामग्री हटाउन सुरु "महानगरलाई सफाई, सुन्दर र व्यवस्थित गर्ने अभियान अन्तर्गत हटाउन शुरु गरेको हो"

मोरङ / विराटनगर महानगरपालिकाले फुटपाथमा रहेका निर्माण सामाग्रीलाई हटाउन शुरु गरिएको छ ।

नियमविपरीत पसल अगाडि निर्माण गरिए संरचना हटाएको महानगरले अब सडक किनार र फुटपाथमा राखेका निर्माण सामग्री हटाउन सुरु गरेको हो । नगर प्रहरी र सफाईका कर्मचारीले निर्माण सामग्री हटाउन सुरु गरेका हुन् । सरसफाई शाखा र नगर प्रहरीको समन्वयमा मंगलबारदेखि विराटनगरका विभिन्न सडक किनार र फुटपाथमा राखेका सामग्री हटाउन थालेको छ 

प्रमुख प्रशासकीय अधिकृत विष्णुप्रसाद कोइरालाको उपस्थितिमा विराटनगर–८ स्थित धर्मबाँध रोडमा राखिएका बालुवा, गिट्टी, इँटा, टाली हटाइएको छ। महानगरको जेसीवीले ट्रयाक्टर र ट्रकमा राखेर महानगरले फुटपाथबाट निर्माण सामग्री उठाएको छ ।विराटनगरलाई सफा, सुन्दर, व्यवस्थित विकसित बनाउने महानगरको अभियानमा कसैसित पनि सम्झौता नहुने मेयर कोइरालाले बताए ।

उनले सबैको साथ र सहयोगले विराटनगर सफासँगै व्यवस्थित बनाउने दाबी गरे ।‘विराटनगरलाई सफा र व्यवस्थित बनाउने महानगरको अभियानमा हामी कसैसित पनि सम्झौता गर्दैनौं,’ मेयर कोइरालाले भने, ‘यो अभियानमा महानगरवासीको पूर्ण साथ रहन्छ भन्ने हामीलाई विश्वास छ ।

निर्माण सामग्री हटाउन महानगरले सार्वजनिक सूचनासँगै पटक–पटक माइकिङसमेत गरिसकेको छ । महानगरको सूचनालाई बेवास्ता गरेर आवतजावतलाई नै असर पर्ने गरी राखिएका निर्माण सामग्री हटाइएको नगर प्रहरीका प्रमुख राजन पौडेलले बताए ।