चारदिने नेतृत्व तथा क्षमता विकास तालिम सुरु

मोरङ / विराटनगर महानगरपालिका वडा नम्बर ११ को आयोजनामा आइतबारदेखि चार दिने नेतृत्व तथा क्षमता विकास तालिम सुरु भएको छ ।

तालिमको उद्घाटन विराटनगर महानगरपालिकाका मेयर नागेश कोइरालाले गरेका छन् । उद्घाटन पछि बोल्दै मेयर कोइरालाले तालिमबाट सहभागीको नेतृत्व विकासमा महत्वपूर्ण भूमिका निर्वाह गर्ने बताए । उनले तालिमबाट ज्ञान र सीपलाई व्यवहारमा उतार्नसमेत आग्रह गरे । मेयर कोइरालाले नेतृत्व गर्ने क्षमताको विकास भए त्यसले हरेक क्षेत्रमा अगाडि बढ्न बल पुग्ने दाबी गरे ।

वडाको आफ्नै स्रोत साधनबाट तालिम सञ्चालन गरिएको वडाध्यक्ष तिर्थेन्द्र न्यौपानेले जानकारी दिए । उनले आफैंले तालिम आयोजना गर्दा थोरै स्रोत साधनले पुग्ने बताए । तालिममा वडाका वर्तमान र पूर्वजनप्रतिनिधि, विभिन्न संघसंस्थाका प्रतिनिधि, कर्मचारीलगायत २४ जनाको सहभागिता रहेको थियो । तालिमको पत्रकार यज्ञ शर्मा र मीनकुमार नवोदितले सहजीकरण गरेका छन् .