विजयपुरका मन्दिरक्षेत्र टिकटक बनाउनेको रोजाई "टिकटकलाई नकारात्मक नलिन उनीहरुको आग्रह"

धरान / प्रविधिको विकास नहुदा मनोरञ्जनको साधनको रुपमा गाउँघरमा हुने नाचगान, साँस्कृतिक चाडपर्व, लोकदोहोरी, पूजाआजामा भजन किर्तन, संगीत लगायतका हुन्थे । समय परिवर्तनसँगै प्रविधिको विकासले मनोरञ्जनको तौरतरिकामा परिवर्तन ल्याएको छ ।

अहिलेका पुस्ताका लागि मनोरञ्जन टिकटक, सामाजिक सञ्जाल (फेसबुक), ट्वीट्र, युट्युव लगायतका रहेका छन् । यी मध्ये पनि अहिले टिकटक सबैभन्दा राम्रो मनोरञ्जन गर्ने विधि बनेको छ ।
पछिल्लो समय टिकटक फेशनको रुपमा विकास हुदै गएको छ ।

 

रमणीय स्थल पुग्ने जोकोहीको पहिलो लक्ष्य नै टिकटक बनाउने हुन्छ । अहिले धरान १४ विजयपुरका धार्मिक स्थलहरु पनि दर्शन गर्न आउने भन्दा पनि टिकटक बनाउनेहरुको रोजाइको क्षेत्र बन्दै गएको छ । विशेष गरेर युवा पुस्ताले टिकटक बनाउने गरेका छन् ।

धरानबाट सप्तरीको साखडामाइको दर्शण गनृ पुगेका सुमित्रा खनाल ,अनिसा अधिकारी बीना अधिकारी दर्शण पछी मन्दिर प्रांगणमैै नेपाली चलचित्र कर्णबीरको ‘चन्द्रमाझैँ राम्री छेउ, ज्यानभन्दा पनि प्यारी छौ’ भन्ने गीतमा सामुहिक रुपमा टिकटक बनाउँदा उनीहरुको ध्यान अन्यत्र थिएने । छिन्नमस्ता देबीको दर्शण संगै टिकटक बनाउने अवसर पनि प्राप्त भयो । धरान फर्किने क्रममा सपकोसी नदीको पुलमा पनि साथीहरु सग टिकटक बनाउन भ्याए ।

त्यस्तै विराटनगरबाट धरानको बिजयपुर मन्दिर दर्शण गर्न आउनु भएकीमनिकासापकोटाले विजयपुरकोसौन्दर्यतासँगै साथीभाइसँगकोभेटघाटको अवसरमा टिकटक बनाएर सार्वजनिक गर्ने उनीहरुकोे मनसाय हो । धरान आएको मौका र साथीभाइसँगको भेटघाटको सुनौलो अवसर उहाँलाई टिकटकमा कैद गर्न सुनौलो अवसर मिल्यो ।

मनोरञ्जन, कला प्रदर्शन गर्ने र समय विताउने भरपर्दो माध्यम टिकटक भएको मनिका बताउनुहुन्छ । उहाँले टिकटकलाई नकरात्मक ढंगले हेरिने गरेको बताउदै यसलाई सकारात्मक ढंगले हेरे टिकटकले सन्देश प्रवाह गर्ने बताइन् ।

उहाँमात्र हैन सोही टिममा आउनु भएकी स्वेच्छा रिमालको भनाई पनि थापाको भन्दा फरक थिएन । रमणीय स्थल देख्नेबित्तिकै टिकटक बनाउने बानी नै परिसकेको उहाँले समेत विजयपुरको सुन्दरतालाई कैद नगर्ने कुरै भएन । उहाँको बुझाई भने टिकटक कला प्रदर्शन गर्ने थलो भएको बताइन् । टिकटक अरुको कला हेर्ने र आफ्नो पनि कला प्रदर्शन गर्ने माध्यम भएको उनी सुनाउछिन । उनले तनावको समयमा तनाव हटाउने माध्यम पनि टिकटक बनेको सुनाइन् ।

कसैलाई भने टिकटक थकाइ मार्ने माध्यम समेत बनेको बताउँछन् । मनिका र स्वेच्छाको भन्दा केही फरक भनाई प्रजिता अचार्य छ । काम गरिसकेर फुर्सदको समयमा टिकटक बनाउँदा र अरुले बनाएको टिकटक हेर्दा थकाइ महसुस हुने बताइन् ।

पछिल्लो समय धरानको धार्मिक पर्यटकीय क्षेत्र विजयपुरमा धरान लगायत धरानबाहिरबाट आएकाहरुले टिकटक बनाउने गरेका छन् । बुढासुब्बा मन्दिर, दन्तकाली मन्दिर, पिण्डेश्वर मन्दिर लगायत अन्य मन्दिरमा दर्शन गर्न आउँदा यहाँको पर्यटकीय स्थलमा टिकटकमा कैद गर्ने गरेका छन् ।

टिकटक मनोरञ्जन, समय विताउने र कला प्रदर्शन गर्ने माध्यम बन्दै गएको छ । टिकटकप्रति कतिपयको नकरात्मक भावना समेत पलाउने गरेको छ तर टिकटक बनाउनेहरुले भने यसलाई नकारात्मक दृष्टिले नभई सकारात्मक दृष्टिले हेर्नुपर्ने धारणा व्यक्त गर्ने गरेका छन् ।