_1693980289.gif "#")
इटहरी / नेपाल पत्रकार महासङ्घ सुनसरीको १३ आँै साधारणसभा शनिबार इटहरीमा सम्पन्न भएको छ ।
साधारण्णसभामा विगतदेखि नै उठ्दै आएको सुद्धिकरण अभियानको मुद्दा पेचिलो रुपमा उठेको थियो । साधारणसभामा शुद्धीकरणका लागि फ्लोरबाट उठेको प्रस्तावलाई साधारण सभाले पारित गरेको छ । पारिदसँगै यसको कार्यान्वयनको प्रतिबद्धता गरिएको छ ।
महासंघकाचे संसोधित विधान २०७५ को दफा ७ उपदफा १ को खण्ड १ ले गरेको गरेको व्यवस्था अनुसार महासंघका सदस्यहरू पत्रकारिता पेसामा रहे नरहेको छानबिन गर्ने अधिकार दिएको छ । सोही विधानलाई टेकेर यो प्रस्ताव पास गरिएको हो ।
महासघका सदस्यहरुले सञ्चारकर्मीका लागि महासंघले उल्लेखनीय काम नगरेको बताएका थिए । उनीहरुले महासंघ सञ्चारकर्मीको साझा संस्था बन्न नसकेको आरोप लगाएका थिए ।
आन्तरिक मामिला तथा कानुन मन्त्री केदार कार्कीको प्रमुख आथित्यमा सम्पन्न १३ औ साधारण सभामा पत्रकार सृजनशिल पुरस्कार धरानका गिरी राज आचार्य, खिलनाथ विश्वकर्मा, इटहरीका कृष्ण विनोद लमसाल, अमर खडका र सिमा बस्नेलाई पुरस्कार प्रधान गरेको थियो । महासङ्घकासचिव ध्रुव ढकालले साङ्गठनिक प्रतिवेदन र कोषाध्यक्ष अजित झाले आर्थिक प्रतिवेदन पेस गरेका थिए ।
