_1693980289.gif "#")
झापा / एक वर्षअघि भत्किएको सिंचाई आयोजनाको मुहान ममर्त हुन नसक्दा त्यहा आसपासका जमिन सिँचाई हुन नसक्दा खेति लगाउन नपाई बाँझै रहेको छ ।
मेचीनगर नगरपालिका–१४ मा रहेको हडियाँ रेगुलेटर सिँचाइ आयोजनाको भत्किएको मुहान ममर्त गर्न नसक्दा चार सय हेक्टर जमिन बाँझो रहेको हो ।
गत वर्षको कात्तिकमा आएको बेमौसमी बाढीले सो आयोजनाको मुहान भत्काएको थियो ।
चार वर्षअघि एसियाली विकास बैंकको ५ करोड २२ लाखको लागतमा हडियाँ खोलाबाट बनेको सिँचाइ आयोजनाको मुहान नै भत्किएपछि बनाउन नसक्दा पाँच सय किसानको चार सय हेक्टर जमिन बाँझो बन्न पुगेको हो ।
मेची नगरपालिका वडा नं १४ का निवर्तमान अध्यक्ष शंकर पोखरेलका अनुसार नगरपालिका र डिभिजन सिँचाइ कार्यालय भद्रपुरले तत्काल परियोजना मर्मतका लागि पटकपटक प्रदेश सरकारसँग बजेट माग गरेका थिए । प्रदेश सरकारले बजेट व्यवस्थापन गर्न नसक्दा परियोजनाको मर्मत अझै हुन नसकेको उनको भनाइ छ । उनले भने–‘भत्किएको मुहान मर्मतका लागि पटक पटक प्रदेश सरकारसँग बजेट मागेका थियौ, समयमै बजेट नआउदा मर्मत हुन नसकेको हो ।’
उनले सो परियोजनाको मुहान मर्मतका लागि करिब एक करोड लाग्ने बताए । उनले भने–‘परियोजना सञ्चालनमा आएपछि पाँच सय घरपरिवारको जमिन सिञ्चित भएको थियो, अहिले अधिकांश जमिन बाँझै छ, कतिपयले आकासे पानीको भरमा लगाएको धान खेतीसमेत फस्टाएन ।
उनले तत्काल परियोजना मर्मतका लागि स्थानीय र प्रदेश सरकार गम्भीर हुनुपर्ने बताए । उनले भने–‘यस क्षेत्रका सर्वसाधारणको खेतीबाहेक अर्को विकल्प छैन, तत्काल परियोजनाको मुहान मर्मतका लागि नवनिर्वाचित प्रतिनिधि तथा प्रदेश सासंदले पहल गरिदिनपर्छ ।’
